20 ലിറ്റർ ചാരായവും 100 ലിറ്റർ കോടയുമായി മധ്യവയസ്‌കൻ പിടിയിൽ

ചെറുതോണി: 20 ലിറ്റർ ചാരായവും 100 ലിറ്റർ കോടയും വാറ്റുപകരണങ്ങളുമായി കൂത്താട്ടുകുളം സ്വദേശി എക്‌സൈസ് പിടിയിൽ. പ്രകാശ് മാടപ്ര ഭാഗത്ത് നിന്നുമാണ് കുത്താട്ടുകുളം സ്വദേശി കൊച്ചുകുന്നേൽ വീട്ടിൽ ജോൺ വർഗ്ഗീസിനെ (64 ) അറസ്റ്റ് ചെയ്തത്.

പ്രതി പാട്ടത്തിന് ഏലം കൃഷി ചെയ്തു വന്നിരുന്ന വസ്തുവിലുള്ള കെട്ടിടത്തിൽ നിന്നാണ് ചാരായവും, കോടയും വാറ്റുപകരണങ്ങളും പിടികൂടിയത്.കോടതിയിൽ ഹാജരാക്കിയ പ്രതിയെ റിമാന്റ് ചെയ്തു. ഇടുക്കി എക്‌സൈസ് സർക്കിൾ ഇൻസ്‌പെക്ടർ സുരേഷ് പി.കെ,അസി.ഇൻസ്‌പെക്ടർ സജിമോൻ കെ.ഡി,സിവിൽ എക്‌സൈസ് ഓഫീസർ ജിനു ജോ മാത്യൂ,രാഹുൽ ഇ.ആർ,പ്രിവന്റീവ് ഓഫീസർ (ഗ്രേഡ് ) ജയിസൺ എ.ഡി, ഡ്രൈവർ റെജി പി.സി എന്നിവർ പരിശോധനയിൽ പങ്കെടുത്തു.