നൈറ്റ് റൈഡേഴ്‌സിനെതിരായ മത്സരത്തില്‍ ബാറ്റിങ്ങിന് ഇറങ്ങാതിരുന്നത് എന്തുകൊണ്ട്; പ്രതികരണവുമായി പന്ത്

കൊല്‍ക്കത്ത: ഐപിഎല്ലില്‍ കൊല്‍ക്കത്ത നൈറ്റ് റൈഡേഴ്‌സിനെതിരായ മത്സരത്തില്‍ ബാറ്റിങ്ങിന് ഇറങ്ങാതിരുന്നതില്‍ പ്രതികരണവുമായി ലഖ്‌നൗ സൂപ്പര്‍ ജയന്റ്‌സ് നായകന്‍ റിഷഭ് പന്ത്. കൊല്‍ക്കത്തയുടെ സ്പിന്നര്‍മാരെ പരിഗണിച്ച് ലെഫ്റ്റ്-റൈറ്റ് കോമ്പിനേഷന്‍ നിലനിര്‍ത്താനാണ് ടീം ശ്രമിച്ചതെന്നായിരുന്നു റിഷഭ് പന്ത് മത്സരശേഷം പ്രതികരിച്ചത്.

പവര്‍പ്ലേയ്ക്ക് ശേഷമാണ് ബാറ്റിങ്ങിന് അനുകൂലമായ ട്രാക്കാണെന്ന് മനസിലായത്. മത്സരം കടുത്തതാകുമെന്ന് അപ്പോള്‍ തന്നെ മനസിലായി. എങ്കിലും നിലവിലുണ്ടായിരുന്ന പ്ലാന്‍ തന്നെയാണ് മത്സരത്തില്‍ പ്രയോഗിച്ചത്. കൊല്‍ക്കത്തയുടെ ബാറ്റിങ്ങില്‍ ഇടയ്ക്ക് വിക്കറ്റുകള്‍ വീണതാണ് മത്സരം ലഖ്‌നൗവിന് അനുകൂലമാക്കിയത്. ഒരു ടീമിന്റെ പ്ലാനുകള്‍ ചിലപ്പോള്‍ വിജയിക്കും. മറ്റുചിലപ്പോള്‍ പരാജയപ്പെടും. ഇന്നത്തെ പ്ലാനുകള്‍ വിജയിച്ചതില്‍ സന്തോഷമുണ്ട്. റിഷഭ് പന്ത് മത്സരശേഷം വ്യക്തമാക്കി.