ആ കാര്യം എനിക്കറിയില്ല,: ധോണിയോട് നേരിട്ട് ചോദിച്ചോളൂ: സ്റ്റീഫൻ ഫ്ലെമിങ്

ഇന്ത്യൻ പ്രീമിയർ ലീഗിൽ ഡൽഹി ക്യാപിറ്റൽസിനെതിരായ തോൽവിക്ക് പിന്നാലെ പ്രതികരണവുമായി ചെന്നൈ സൂപ്പർ കിങ്സ് പരിശീലകൻ സ്റ്റീഫൻ ഫ്ലെമിങ്. ധോണിയുടെ വിരമിക്കലിനെക്കുറിച്ചുള്ള ചോദ്യത്തിന് അത് തനിക്ക് അറിയില്ലെന്നാണ് സ്റ്റീഫൻ ഫ്ലെമിങ് പറഞ്ഞത്.

‘ധോണി വിരമിക്കൽ എന്റെ കാര്യമല്ല. അതിനെക്കുറിച്ച് എനിക്ക് അറിയില്ല. ഞാൻ ഇപ്പോൾ ധോണിക്കൊപ്പം ജോലി ചെയ്യുന്നത് ആസ്വദിക്കുന്നു. ഇപ്പോഴും മികച്ച പ്രകടനമാണ് ധോണി പുറത്തെടുക്കുന്നത്. ഞാൻ ഇത്തരം കാര്യങ്ങളൊന്നും ധോണിയോട് ചോദിക്കാറില്ല. നിങ്ങളിലാരെങ്കിലും ധോണിയെ കണ്ടാൽ ചോദിച്ചോളൂ’, ഫ്ലെമിങ് പറഞ്ഞു.

ചെന്നൈ സൂപ്പർ കിങ്സിനെതിരായ കഴിഞ്ഞ മത്സരത്തിൽ 25 റൺസ് വിജയമാണ് ഡൽഹി ക്യാപിറ്റൽസ് നേടിയത്. രാഹുലിന്റെ മികവിൽ ആദ്യം ബാറ്റ് ചെയ്ത ഡൽഹി ക്യാപിറ്റൽസ് നിശ്ചിത 20 ഓവറിൽ ആറ് വിക്കറ്റ് നഷ്ടത്തിൽ 183 റൺസെടുത്തു. ചെന്നൈയുടെ മറുപടി 20 ഓവറിൽ അഞ്ച് വിക്കറ്റ് നഷ്ടത്തിൽ 158 റൺസിൽ അവസാനിച്ചു.