അയോധ്യ പ്രതിഷ്‌ഠാചടങ്ങ്: കർണാടകത്തിലെ ക്ഷേത്രങ്ങളിൽ പ്രത്യേക പൂജ നടത്താൻ സർക്കാർ നിർദേശം

അയോധ്യയിലെ രാമക്ഷേത്രത്തിൽ വിഗ്രഹപ്രതിഷ്ഠ നടക്കുന്നസമയത്ത് കർണാടകത്തിലെ ക്ഷേത്രങ്ങളിൽ പ്രത്യേക പൂജ നടത്താൻ സർക്കാർ നിർദേശം. 22-ന് ഉച്ചയ്ക്ക് 12.29-നും 1.32-നും ഇടയിലാണ് വിഗ്രഹപ്രതിഷ്ഠ നിശ്ചയിച്ചിരിക്കുന്നത്. ഈസമയത്ത് മുസ്‌റായ് വകുപ്പിന് (ദേവസ്വം) കീഴിലുള്ള എല്ലാക്ഷേത്രങ്ങളിലും പ്രത്യേക പൂജ നടത്താൻ നിർദേശിച്ചതായി കർണാടക മുസ്‌റായ് വകുപ്പ് മന്ത്രി രാമലിംഗ റെഡ്ഡി പറഞ്ഞു.