യേശുക്രിസ്തുവിന്റെ തിരിച്ചുവരവിനെക്കുറിച്ച് വാതുവെപ്പ്; കൗതുകം നിറഞ്ഞ വ്യാപാരവുമായി ക്രിപ്റ്റോ വിപണി

ഓരോ മതത്തിനും അവരുടേതായ പ്രവചനങ്ങളും വിശ്വാസങ്ങളുമുണ്ട്. ക്രിസ്തുമതത്തിൽ യേശുക്രിസ്തുവിന്റെ രണ്ടാം വരവ് അഥവാ പരൂസിയ ഒരു പ്രധാന വിശ്വാസമാണ്. യേശു സ്വർഗ്ഗത്തിലേക്ക് കരേറിപ്പോയ ശേഷം ഭൂമിയിലേക്ക് വീണ്ടും വരുമെന്നാണ് വിശ്വാസം. ക്രിപ്‌റ്റോകറൻസി പ്രേമികൾ 2025-ൽ യേശുക്രിസ്തുവിന്റെ തിരിച്ചുവരവിനെക്കുറിച്ച് വാതുവെപ്പ് നടത്താൻ തുടങ്ങിയതാണ് ഇപ്പോൾ വാർത്തയാകുന്നത്.

ബൈബിൾ പ്രവചനങ്ങൾ 2025-ലെ രണ്ടാം വരവിൽ അവസാനിക്കുമോ എന്നതിനെക്കുറിച്ച് ഊഹാപോഹക്കാർ വാതുവെപ്പ് നടത്തുന്നു. ബ്ലോക്ക്‌ചെയിൻ അടിസ്ഥാനമാക്കിയുള്ള പ്രവചന വിപണിയായ പോളിമാർക്കറ്റിൽ ഇതിനോടകം 160,932 ഡോളറിന്റെ വ്യാപാരം നടന്നു കഴിഞ്ഞു.

3% എന്ന നിരക്കിലാണ് വ്യാപാരം നടക്കുന്നത്. യേശുക്രിസ്തു ഈ വർഷം തിരിച്ചുവരില്ലെന്ന് ഒരാൾക്ക് വേണമെങ്കിൽ പന്തയം വെക്കാം, അയാൾ പറയുന്നത് ശരിയാണെങ്കിൽ 13,000 ഡോളറിൽ കൂടുതൽ നേടാൻ സാധിക്കും. അതേസമയം, ക്രിപ്‌റ്റോ ലോകത്തെ ഈ കൗതുകകരമായ നീക്കം സാമൂഹിക മാധ്യമങ്ങളിൽ വലിയ ചർച്ചകൾക്ക് വഴി വെച്ചിട്ടുണ്ട്.