ഞാൻ സെഞ്ച്വറിയെക്കുറിച്ച് ചിന്തിച്ചിരുന്നില്ല, ടീം സ്കോർ ഉയർത്തുകയായിരുന്നു ലക്ഷ്യം: മിച്ചൽ ഹേ

പാക്കിസ്ഥാനെതിരായ രണ്ടാം ഏകദിനത്തിൽ സെഞ്ച്വറി നേട്ടം പൂർത്തിയാക്കാൻ കഴിയാതിരുന്നതിൽ പ്രതികരണവുമായി ന്യൂസിലൻഡ് താരം മിച്ചൽ ഹേ. സെഞ്ച്വറിയെക്കുറിച്ച് ചിന്തിച്ചിരുന്നില്ലെന്നും ടീം സ്കോർ ഉയർത്തുകയായിരുന്നു ലക്ഷ്യമെന്നും മിച്ചൽ ഹേ പറഞ്ഞു.

‘ഞാൻ സെഞ്ച്വറിയെക്കുറിച്ച് ചിന്തിച്ചിരുന്നില്ല. ടീം സ്കോർ ഉയർത്തുകയായിരുന്നു ലക്ഷ്യം. മുഹമ്മദ് അബ്ബാസ് നന്നായി ബാറ്റ് ചെയ്തു. പരമാവധി സ്കോർ നേടുകയായിരുന്നു ഞങ്ങളുടെ ലക്ഷ്യം. ന്യൂസിലൻഡിന്റെ ബൗളർമാരും നന്നായി പന്തെറിഞ്ഞു. ബാറ്റിങ്ങിന് പുറമെ വിക്കറ്റ് കീപ്പിങ്ങിലും ഞാൻ സന്തോഷവാനാണ്.’ മിച്ചൽ ഹേ മത്സരശേഷം പ്രതികരിച്ചു.

അതേസമയം രണ്ടാം ഏകദിനത്തിൽ 84 റൺസിന്റെ തോൽവിയാണ് പാക്കിസ്ഥാൻ ഏറ്റുവാങ്ങിയത്. മത്സരത്തിൽ ആദ്യം ബാറ്റ് ചെയ്ത ന്യൂസിലൻഡ് നിശ്ചിത 50 ഓവറിൽ എട്ട് വിക്കറ്റ് നഷ്ടത്തിൽ 292 റൺസെടുത്തു. മറുപടി ബാറ്റിങ്ങിൽ പാക്കിസ്ഥാൻ 41.2 ഓവറിൽ 208 റൺസിൽ എല്ലാവരും പുറത്താവുകയായിരുന്നു.

നേരത്തെ ടോസ് നേടിയ പാക്കിസ്ഥാൻ ന്യൂസിലൻഡിനെ ബാറ്റിങ്ങിനയച്ചു. ഏഴാമനായി ക്രീസിലെത്തി 78 പന്തിൽ ഏഴ് ഫോറും ഏഴ് സിക്സറും സഹിതം പുറത്താകാതെ 99 റൺസെടുത്ത വിക്കറ്റ് കീപ്പർ ബാറ്റർ മിച്ചൽ ഹെയാണ് ന്യൂസിലൻഡിനെ മികച്ച സ്കോറിലെത്തിച്ചത്. മുഹമ്മദ് അബ്ബാസ് 41 റൺസും നേടി.