കളിക്കുന്നതിനിടെ വീടിന് സമീപമുള്ള തോട്ടിൽ വീണു; എറണാകുളത്ത് രണ്ടര വയസുകാരിക്ക് ദാരുണാന്ത്യം

കൊച്ചി: എറണാകുളത്ത് രണ്ടര വയസുകാരി തോട്ടിൽ വീണ് മരിച്ചു. വടക്കൻ പറവൂർ ചെട്ടിക്കാടായിരുന്നു സംഭവം. ജോഷി ജാസ്മിൻ ദമ്പതികളുടെ മകളായ ജൂഹിയാണ് മരിച്ചത്.

ജാസ്മിന്റെ വീട്ടിൽ വെച്ചായിരുന്നു അപകടം. ജോഷി വിദേശതായതിനാൽ ജാസ്മിനും ജൂഹിയും ജാസ്മിന്റെ വീട്ടിലാണ് കുറച്ച് നാളുകളായി കഴിഞ്ഞിരുന്നത്. ഈ വീടിന് സമീപത്തുള്ള മതിലിന് പിൻഭാഗത്താണ് തോട്. ഇതിന്റെ ഒരു ഭാഗത്ത് സ്ളാബ് ഇട്ടിരുന്നില്ല. കളിക്കുന്നതിനിടെ ഇതുവഴി നടന്ന കുട്ടി കാൽ വഴുതി തോട്ടിൽ വീഴുകയായിരുന്നു. കുട്ടിയെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. സ്ഥലത്തെത്തിയ വടക്കേക്കര പോലീസ് തുടർനടപടികൾ ആരംഭിച്ചിട്ടുണ്ട്.