ഒന്നേകാൽ കിലോ കഞ്ചാവുമായി പിടിയിൽ

 ഒന്നേകാൽ കിലോ കഞ്ചാവുമായി ഒരാളെ അടിമാലി പോലീസ് അറസ്റ്റുചെയ്തു. പ്രധാന കണ്ണിയെന്ന് സംശയിക്കുന്നയാൾ ഓടി രക്ഷപ്പെട്ടു.അടിമാലി പത്താംമൈൽ പുത്തൻപുരയ്ക്കൽ റെജി ജോസഫിനെ (59) ആണ് വാഹന പരിശോധനയ്ക്കിടെ പോലീസ് പിടികൂടിയത്. റെജിയോടൊപ്പം വാഹനത്തിലുണ്ടായിരുന്ന ഓടയ്ക്കസിറ്റി സ്വദേശി മധുമണി രക്ഷപ്പെട്ടു. കത്തിപ്പാറയ്ക്ക് സമീപം ഞായറാഴ്ച വൈകീട്ട് വാഹനപരിശോധന നടത്തുന്നതിനിടെയാണ് കഞ്ചാവുമായി റെജി പിടിയിലായത്.

ജില്ലാ പോലീസ് മേധാവിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ അടിമാലി എസ്ഐയുടെ നേതൃത്വത്തിലായിരുന്നു പരിശോധന. രക്ഷപ്പെട്ടയാൾ കഞ്ചാവ് കടത്തുമായി ബന്ധപ്പെട്ട കേസുകളിൽ പ്രതിയാണെന്ന് പോലീസ് പറയുന്നു. റെജിക്ക് കഞ്ചാവ് നൽകുന്നതിനായി എറണാകുളത്തുനിന്ന് കൊണ്ടുവന്നതാണ് ഇതെന്ന് പോലീസിന് പ്രാഥമിക വിവരം ലഭിച്ചിട്ടുണ്ട്.