മരട് മുനിസിപ്പാലിറ്റിയുമായി കൈകോര്‍ത്ത് വയോജനങ്ങള്‍ക്ക് ഡിജിറ്റല്‍ സാക്ഷരത പരിശീലനവുമായി അസാപ് കേരള

സ്മാര്‍ട്‌ഫോണ്‍ ഉപയോഗം, ഓണ്‍ലൈന്‍ സേവനങ്ങള്‍, ഡിജിറ്റല്‍ പേയ്‌മെന്റ് , സൈബര്‍ സുരക്ഷാ എന്ന വിഷയങ്ങള്‍ കേന്ദ്രീകരിച്ചാണ് പരിശീലനം നടപ്പിലാക്കിയത്. വയോജനങ്ങള്‍ക്കിടയിലെ ഡിജിറ്റല്‍ വിഭജനം നിര്‍മ്മാര്‍ജനം ചെയ്യുന്നതിനുള്ള സുപ്രധാന ചുവടുവെയ്പ്പാണ് ഈ സംരംഭം.

മരട് പെട്രോഹൗസില്‍ നടന്ന സര്‍ട്ടിഫിക്കറ്റ് വിതരണ ചടങ്ങില്‍ എറണാകുളം ജില്ലാ കളക്ടര്‍ എന്‍.എസ്.കെ ഉമേഷ് മുഖ്യാതിഥിയായി. നഗരസഭാ ചെയര്‍മാന്‍ ആന്റണി ആശാം പറമ്പില്‍ അധ്യക്ഷത വഹിച്ചു