മോഹൻലാലിനെതിരായ സൈബർ ആക്രമണത്തിൽ ഉടൻ നടപടിയെന്ന് ഡി.ജി.പി

എമ്പുരാൻ സിനിമയുടെ പ്രമേയത്തെ ചൊല്ലി മോഹൻലാൽ ഉൾപ്പെടെയുള്ളവർക്കെതിരേ നടക്കുന്ന സൈബർ ആക്രമണത്തിൽ ഉടൻ നടപടിയെന്ന് ഡി.ജി.പി. നടപടി സ്വീകരിക്കണമെന്നാവശ്യപ്പെട്ട് സുപ്രീംകോടതി അഭിഭാഷകൻ സുഭാഷ് തീക്കാടൻ ആണ് ഡി.ജി.പിക്ക് പരാതി നൽകിയത്. പരാതിയിൽ ഉടൻ നടപടി ഉണ്ടാകുമെന്ന് ഡിജിപി മറുപടി നല്‍കിയതായാണ് അറിയുന്നത്.

ഇതിനിടെ, എമ്പുരാൻ സിനിമ കാരണം പ്രിയപ്പെട്ടവർക്കുണ്ടായ മനോവിഷമത്തിൽ ഖേദമുണ്ടെന്ന് മോഹൻലാൽ അറിയിച്ചു. സിനിമക്കെതിരെ സംഘപരിവാർ സംഘടനകളുടെ ഭാഗത്തുനിന്നും രൂക്ഷ വിമർശനമുണ്ടായ സാഹചര്യത്തിലാണ് മോഹൽ ലാലിന്റെ വിശദീകരണം.