പ്ലസ് വൺ വിദ്യാർഥികളെ പ്ലസ്ടു വിദ്യാർഥികൾ വളഞ്ഞിട്ട് തല്ലി

മലപ്പുറം: ജൂനിയർ വിദ്യാർത്ഥികൾക്ക് സീനിയർ വിദ്യാർത്ഥികളുടെ ക്രൂര മർദനം. മലപ്പുറം വേങ്ങരയിലാണ് സംഭവം. കഴിഞ്ഞ ദിവസം വേങ്ങര ബസ് സ്റ്റാൻഡ് പരിസരത്ത് വച്ചാണ് പ്ലസ് ടു വിദ്യാര്‍ത്ഥികളും പ്ലസ് വൺ വിദ്യാര്‍ത്ഥികളും തമ്മില്‍ ഏറ്റുമുട്ടിയത്. പ്ലസ് വൺ വിദ്യാര്‍ത്ഥികളെ വളഞ്ഞിട്ട് തല്ലുന്നതും മതിലില്‍ ചേര്‍ത്തു നിര്‍ത്തി മുഖത്ത് കൈകൊണ്ടു കുത്തുന്നതടക്കമുള്ള മർദനത്തിന്‍റെ ദൃശ്യങ്ങൾ ഇൻസ്റ്റഗ്രാമിൽ പോസ്റ്റ് ചെയ്ത് സീനിയര്‍ വിദ്യാര്‍ത്ഥികള്‍ ആഘോഷമാക്കുകയും ചെയ്തു. ക്രൂര മര്‍ദനത്തിന്‍റെ ദൃശ്യങ്ങള്‍ ദൃശ്യങ്ങൾ പുറത്ത് വന്നതോടെ പോലീസ് അന്വേഷണം തുടങ്ങി.