ശിഹാബ് തങ്ങളുടെ വീട്ടിലെ ഇഫ്താറില്‍ പങ്കെടുത്ത് പ്രിയങ്ക ഗാന്ധി

മലപ്പുറം: വയനാട് എംപി പ്രിയങ്കാ ഗാന്ധി പാണക്കാട് വീട്ടിലെത്തി. മുസ്ലീം ലീഗ് സംസ്ഥാന അധ്യക്ഷന്‍ സാദിഖലി ശിഹാബ് തങ്ങളുടെ വീട്ടിലെ ഇഫ്താറില്‍ പങ്കെടുക്കാനാണ് അവര്‍ എത്തിയത്. സംസ്ഥാനത്ത് കോണ്‍ഗ്രസ് നേതൃത്വത്തിലെ തര്‍ക്കങ്ങളിലും, മുന്നണിയില്‍ കോണ്‍ഗ്രസ് നേതൃത്വത്തില്‍ നിന്ന് മതിയായ പരിഗണന ലഭിക്കുന്നില്ലെന്നുമുള്ള ലീഗ് നേതൃത്വത്തിന്റെ പരിഭവത്തിന്റെ കൂടി പശ്ചാത്തലത്തിലാണ് പ്രിയങ്ക ഗാന്ധി ഇവിടെയെത്തിയത്.

കേരളത്തിലെ ഓരോ ഗ്രാമങ്ങളെയും പ്രതിനിധീകരിക്കുന്ന തദ്ദേശപ്രതിനിധികള്‍ രാജ്യത്തിനു മാതൃകയാണെന്നും താഴേത്തട്ടിലെ ജനാധിപത്യ ആഘോഷമാണ് ഇവിടെ നടക്കുന്നതെന്നും കഴിഞ്ഞ ദിവസം പ്രിയങ്ക ഗാന്ധി പറഞ്ഞിരുന്നു. കുടിയേറ്റക്കാര്‍ ഏറെയുള്ള വയനാട്ടിലെ കര്‍ഷകര്‍ ഒട്ടേറെ പ്രശ്‌നങ്ങളുടെ നടുവിലാണ്. വയനാടിന്റെ പ്രശ്‌നങ്ങള്‍ താന്‍ നിരന്തരം പാര്‍ലമെന്റില്‍ അവതരിപ്പിച്ചുകൊണ്ടിരിക്കുയാണെന്നും പ്രിയങ്ക പറഞ്ഞു.