ആലുവയിൽ പത്താംക്ലാസുകാരി 8 മാസം ​ഗർഭിണി; ബന്ധുവായ 18 കാരനെതിരെ പോക്സോ ചുമത്തി കേസെടുത്തു

എറണാകുളം: ആലുവയിൽ പത്താം ക്ലാസുകാരി ​ഗർഭിണിയായി. പ്രായപൂർത്തിയാകാത്ത പെൺകുട്ടി ​ഗർഭിണിയായ സംഭവത്തിൽ ബന്ധുവായ 18 കാരനായ വിദ്യാർത്ഥിയെ കേന്ദ്രീകരിച്ച് അന്വേഷണം നടത്തിവരുന്നതായി പോലീസ്. പെൺകുട്ടിയിൽ നിന്നും പൊലീസ് വിശദമായ മൊഴിയെടുത്തു. പെൺകുട്ടി എട്ടു മാസം ഗർഭിണിയെന്നാണ് പൊലീസ് നൽകുന്ന വിവരം. പത്താം ക്ലാസ് പരീക്ഷ കഴിയും വരെ വീട്ടുകാരും, കുട്ടി പഠിച്ച ആലുവയിലെ സ്കൂളും വിവരം മറച്ചു വച്ചോ എന്ന് പൊലീസ് സംശയിക്കുന്നുണ്ട്. സംഭവത്തിൽ ബന്ധുവിനതിരെ പോക്സോ വകുപ്പുകൾ ചുമത്തി കേസ് എടുത്തു.