ഇതാണ് പവർ; ലോഞ്ചിന് മുന്നേ വിറ്റുതീർന്ന് ഡിഫെൻഡർ ഒക്ട എസ്‍യുവി !

ലാൻഡ് റോവർ ഏറെക്കാലമായി കാത്തിരുന്ന ഡിഫെൻഡർ ഒക്ട അവതരിപ്പിച്ചു. ഒക്ട, ഒക്ട എഡിഷൻ വൺ എന്നിങ്ങനെ രണ്ട് വേരിയന്റുകളിൽ ഈ എസ്‌യുവി ലഭ്യമാണ്. ഡിഫെൻഡർ ഒക്ടയ്ക്ക് 2.59 കോടി രൂപയും ഒക്ട എഡിഷൻ വണ്ണിന് 2.79 കോടി രൂപയുമാണ് എക്സ്-ഷോറൂം വില വരുന്നത്. ഡിഫൻഡർ നിരയിലെ ഏറ്റവും മികച്ച വേരിയന്റാണ് ഒക്ട.

അതേസമയം കൂടുതൽ പരുക്കൻ രൂപഭംഗിയോടെയാണ് ഇത് പുറത്തിറങ്ങുന്നത്. ഫ്ലേർഡ് വീൽ ആർച്ചുകൾ, കൂടുതൽ വ്യക്തമായ ഗ്രിൽ, പുതിയ ഫ്രണ്ട് ബമ്പർ, ഉയർന്ന ഗ്രൗണ്ട് ക്ലിയറൻസ് എന്നിവ ഇതിലുണ്ട്. ലാൻഡ് റോവറിന്റെ ഏറ്റവും മികച്ച പ്രകടനശേഷിയുള്ള എസ്‌യുവിയാണ് ഡിഫെൻഡർ ഒക്ട. 2024 ജൂലൈയിലാണ് കമ്പനി ബുക്കിംഗ് ആരംഭിച്ചത്. ആദ്യ ബാച്ചിന്റെ എല്ലാ യൂണിറ്റുകളും ലോഞ്ച് ചെയ്യുന്നതിന് മുമ്പുതന്നെ വിറ്റുതീർന്നു.

പുതിയ ഒക്ടയിൽ 4.4 ലിറ്റർ ബിഎംഡബ്ല്യുവിൽ നിന്നുള്ള ട്വിൻ-ടർബോ V8 മൈൽഡ്-ഹൈബ്രിഡ് പവർട്രെയിൻ ആണ് ഉള്ളത്. ഈ എഞ്ചിൻ യഥാക്രമം 635hp, 750Nm എന്നിവയുടെ വർദ്ധിച്ച പവറും ടോർക്ക് ഔട്ട്‌പുട്ടും വാഗ്ദാനം ചെയ്യുന്നതിനായി ട്യൂൺ ചെയ്‌തിരിക്കുന്നു. ഓഫ്-റോഡ് ലോഞ്ച് മോഡ് ഉപയോഗിച്ച്, ടോർക്ക് ഔട്ട്‌പുട്ട് 800Nm ആയി വർദ്ധിച്ചു

ഈ വാഹനം ഗ്രേ, ചാരന്റെ ഗ്രേ, പെട്ര കോപ്പർ, ഫറോ ഗ്രീൻ എന്നിങ്ങനെ നാല് നിറങ്ങളിൽ ലഭ്യമാണ്. ഈ നിറങ്ങളിൽ ഒരു പ്രൊട്ടക്റ്റീവ് ഫിലിം ഉൾപ്പെടെയുള്ള മാറ്റ് ഫിനിഷുകളും ഉണ്ട്. ലാൻഡ് റോവർ ഡിഫെൻഡർ ഒക്ടയുടെ ക്യാബിൻ സ്റ്റാൻഡേർഡ് എസ്‌യുവിയോട് സാമ്യമുള്ളതായി കാണപ്പെടുന്നു. വലിയ 11.4 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് യൂണിറ്റ്, സെന്റർ കൺസോളിനുള്ളിൽ ഒരു മിനി-ഫ്രിഡ്‍ജ് തുടങ്ങിയ പുതിയ സവിശേഷതകൾ ഇതിലുണ്ട്.