എം‌ജി സൈബർ‌സ്റ്റർ ഇലക്ട്രിക് സ്‌പോർട്‌സ് കാറിന്റെ ബുക്കിംഗ് ആരംഭിച്ചു

എം‌ജി സൈബർ‌സ്റ്റർ ഇലക്ട്രിക് സ്‌പോർട്‌സ് കാറിന്റെ ബുക്കിംഗ് ആരംഭിച്ചു. 50,000 രൂപ ടോക്കൺ തുകയ്ക്ക് ഈ വാഹനം ബുക്ക് ചെയ്യാം. താൽപ്പര്യമുള്ളവർക്ക് എം‌ജി സെലക്ട് പ്രീമിയം ഡീലർഷിപ്പ് നെറ്റ്‌വർക്ക് വഴി ഓൺലൈനായും ഓഫ്‌ലൈനായും വാഹനം മുൻകൂട്ടി ബുക്ക് ചെയ്യാൻ സാധിക്കും. ഏകദേശം 60 ലക്ഷം രൂപ മുതൽ 70 ലക്ഷം രൂപ വരെയായിരിക്കും ഇതിൻ്റെ എക്സ്-ഷോറൂം വില.

പുതിയ എംജി കാറുകളുടെ ഡെലിവറികൾ അടുത്ത രണ്ട് മാസങ്ങൾക്കുള്ളിൽ ഉണ്ടാകാൻ സാധ്യതയുണ്ട്. എം‌ജി സൈബർ‌സ്റ്ററിൽ 77kWh ബാറ്ററി പായ്ക്കും ഫ്രണ്ട് ആക്‌സിലിൽ ഘടിപ്പിച്ചിരിക്കുന്ന ഒരു ഇലക്ട്രിക് മോട്ടോറും ഉപയോഗിക്കുന്നു. ഈ കോൺഫിഗറേഷൻ പരമാവധി 510bhp പവറും 725Nm ടോർക്കും നൽകുന്നു. AWD ഡ്രൈവ്‌ട്രെയിൻ സിസ്റ്റമുള്ള ഈ സ്‌പോർട്‌സ് കാർ 3.2 സെക്കൻഡിനുള്ളിൽ 0 മുതൽ 100kmph വരെ വേഗത കൈവരിക്കും.