മോഷൻ ഫോട്ടോകൾ പങ്കിടാൻ പുതിയ ഫീച്ചറുമായി വാട്‌സ്ആപ്പ്! വ്യക്തിഗത ചാറ്റുകളിലും ഗ്രൂപ്പ് ചാറ്റുകളിലും ചാനലുകളിലും ഇവ പങ്കിടാം

ആൻഡ്രോയിഡ് സ്മാർട്ട്‌ഫോൺ ഉപയോക്താക്കൾക്ക് വ്യക്തിഗത ചാറ്റുകളിലും ഗ്രൂപ്പ് ചാറ്റുകളിലും ചാനലുകളിലും മോഷൻ ഫോട്ടോകൾ പങ്കിടാൻ അനുവദിക്കുന്ന ഒരു സവിശേഷത വാട്ട്‌സ്ആപ്പ് പരീക്ഷിക്കുന്നതായി റിപ്പോർട്ട്. മെറ്റാ ഉടമസ്ഥതയിലുള്ള ഇൻസ്റ്റന്റ് മെസേജിംഗ് ആപ്പ് ആയ വാബീറ്റ ഇന്‍ഫോയുടെ റിപ്പോർട്ട് അനുസരിച്ച്, ഒരു ചിത്രത്തിൽ ക്ലിക്ക് ചെയ്യുമ്പോൾ എടുത്ത ഒരു ചെറിയ ഓഡിയോ-വിഷ്വൽ ക്ലിപ്പ് അയയ്ക്കാനും സ്വീകരിക്കാനും ആൻഡ്രോയിഡ് ഉപയോക്താക്കളെ അനുവദിക്കും. ചാറ്റുകൾ, ഗ്രൂപ്പുകൾ, ചാനലുകൾ എന്നിവയിൽ മോഷൻ ഫോട്ടോകൾ പങ്കിടാൻ ഉപഭോക്താക്കളെ അനുവദിക്കുന്ന ഫീച്ചർ ആകുമിത്.

ഈ ഫീച്ചർ നിലവിൽ വികസിപ്പിച്ച് കൊണ്ടിരിക്കുകയാണെന്നും വാട്‌സ്ആപ്പിന്‍റെ ഏറ്റവും പുതിയ ആൻഡ്രോയ്‌ഡ് ബീറ്റ പതിപ്പ് 2.25.8.12 ൽ വാബീറ്റ ഇന്‍ഫോ ഇത് കണ്ടെത്തി എന്നുമാണ് റിപ്പോർട്ടുകൾ. ഒരു സ്റ്റാറ്റിക് ഇമേജ് എടുക്കുന്നതിന് മുമ്പും ശേഷവുമുള്ള ചില നിമിഷങ്ങൾ മോഷൻ ഫോട്ടോ പകർത്തും. ഇത് ഷെയറിംഗ് അനുഭവം കൂടുതൽ മികച്ചതാക്കുമെന്നാണ് പ്രതീക്ഷിക്കുന്നത്.

ഇതിനകം തന്നെ സാംസങ് ഗാലക്‌സി, ഗൂഗിൾ പിക്‌സൽ, ആപ്പിൾ ഐഫോണുകൾ തുടങ്ങിയ ഡിവൈസുകളിൽ മോഷൻ ഫോട്ടോകൾ ലഭ്യമാണ്. പുതിയ ഫീച്ചർ ആൻഡ്രോയ്‌ഡ് ഉപയോക്താക്കളെ സമാനമായ രീതിയിൽ മോഷൻ ഫോട്ടോകൾ പങ്കിടാൻ അനുവദിക്കും. വാട്‌സ്ആപ്പ് ഈ ഫീച്ചർ നിലവിൽ വികസിപ്പിച്ചുകൊണ്ടിരിക്കുകയാണ്. ഈ ഫീച്ചർ പ്രവർത്തനക്ഷമമായാൽ ഉപയോക്താക്കൾക്ക് അവരുടെ ആൻഡ്രോയ്‌ഡ് സ്മാർട്ട്‌ഫോണുകളിൽ നിന്നുള്ള മോഷൻ ഫോട്ടോകൾ മറ്റ് ഉപയോക്താക്കളുമായി പങ്കിടാൻ കഴിയും.

ഈ സവിശേഷത ലഭ്യമായിക്കഴിഞ്ഞാൽ, ആൻഡ്രോയിഡ് സ്മാർട്ട്‌ഫോൺ ഉപയോക്താക്കൾക്ക് ആപ്പ് വഴി മറ്റുള്ളവരുമായി മോഷൻ ഫോട്ടോകൾ അയയ്ക്കാനും സ്വീകരിക്കാനും കഴിയും. റിപ്പോർട്ട് അനുസരിച്ച്, മെസേജിംഗ് ആപ്പിലെ ചിത്രങ്ങൾ പങ്കിടുന്നതിനുള്ള ഗാലറി ഓവർലേയിൽ ഒരു പുതിയ ബട്ടൺ ലഭിക്കും, ഇത് ഉപയോക്താക്കൾക്ക് ഒരു മോഷൻ പിക്ചറോ സ്റ്റാറ്റിക് ഇമേജോ പങ്കിടണോ എന്ന് തിരഞ്ഞെടുക്കാൻ അനുവദിക്കുന്നു.