ചർമ്മം തിളങ്ങാൻ ചില അരിപ്പൊടി ഫേസ് മാസ്കുകൾ പരീക്ഷിച്ചാലോ?

ചർമ്മ സംരക്ഷണത്തിൽ അരിപ്പൊടിക്ക് വലിയ പങ്കുണ്ടെന്ന് നിങ്ങൾക്ക് അറിയാമോ? തിളക്കമാർന്ന ചർമ്മം ലഭിക്കാനും പാടുകളും കരിവാളിപ്പും അകറ്റാനും അരിപ്പൊടി സഹായിക്കും. മാത്രമല്ല ചർമ്മത്തിലെ മൃതകോശങ്ങളെ പുറന്തള്ളാനും അരിപ്പൊടി സഹായകരമാണ്. അരിപൊടിയിൽ അമിനോ ആസിഡുകളും വിറ്റാമിനുകളും ധാരാളം അടങ്ങിയിട്ടുണ്ട്, ഇത് ചർമ്മത്തിന് ജലാംശം നൽകുകയും മൃദുവും മൃദുലവുമാക്കുകയും ചെയ്യുന്നു. ചർമ്മം തിളങ്ങാൻ സഹായിക്കുന്ന കുറച്ച് അരിപ്പൊടി മാസ്കുകൾ നോക്കിയാലോ?

1. അരിപ്പൊടിയും മഞ്ഞളും

ഒരു ടേബിൾ സ്പൂൺ അരിപ്പൊടിയും അൽപ്പം മഞ്ഞളും കുറച്ച് വെള്ളവും ചേർത്ത് നന്നായി യോജിപ്പിക്കുക. ഇനി ഈ മാസ്ക് മുഖത്തിട്ട് 20 മിനിറ്റ് കഴിഞ്ഞ് കഴുകി വൃത്തിയാക്കാം.

2. തൈരും അരിപ്പൊടിയും

ഒരു ടേബിൾ സ്പൂൺ അരിപ്പൊടിയും തൈരും ചേർത്ത് നന്നായി യോജിപ്പിക്കുക. സാധാരണ തൈര് വേണം ഇതിനായി ഉപയോഗിക്കാൻ. ഇനി ഈ പേസ്റ്റ് മുഖത്തിട്ട് 15 മുതൽ 20 മിനിറ്റ് കഴിഞ്ഞ് കഴുകി വൃത്തിയാക്കാം
3. അരിപ്പൊടിയും തേങ്ങാപ്പാലും

ഒരു ടേബിൾ സ്പൂൺ അരിപ്പൊടിയും തേങ്ങാപ്പാലും ചേർത്ത് നന്നായി യോജിപ്പിക്കുക. ഇനി ഇത് മുഖത്തിട്ട് 20 മിനിറ്റ് കഴിഞ്ഞ് കഴുകി വൃത്തിയാക്കാം
4. കറ്റാർവാഴയും അരിപ്പൊടിയും

ചർമ്മത്തിന് കറ്റാർവാഴ ഏറെ നല്ലതാണ്. ഒരു ടേബിൾ സ്പൂൺ അരിപ്പൊടിയും കറ്റാർവാഴയും ചേർത്ത് നന്നായി യോജിപ്പിക്കുക. ഇനി ഈ പേസ്റ്റ് മുഖത്തിട്ട് 20 മിനിറ്റിന് ശേഷം കഴുകി കളയാം

5. അരിപ്പൊടിയും നാരങ്ങ നീരും

ഒരു ടേബിൾ സ്പൂണും അരിപ്പൊടിയും ചേർത്ത് നാരങ്ങ നീരും ചേർത്ത് നന്നായി യോജിപ്പിക്കുക. ഇനി ഇത് മുഖത്തിടുക. അത് കഴിഞ്ഞ് 20 മിനിറ്റ് കഴിഞ്ഞ് കഴുകി വൃത്തിയാക്കാം

6. തേനും അരിപ്പൊടിയും
ഒരു ടേബിൾ സ്പൂൺ അരിപ്പൊടിയും അൽപ്പം തേനും ചേർത്ത് നന്നായി യോജിപ്പിക്കുക. ഇനി ഇത് മുഖത്തിട്ട് 20 മിനിറ്റ് കഴിഞ്ഞ് കഴുകി വൃത്തിയാക്കാം

7. അരിപ്പൊടിയും ഗ്രീൻ ടീയും

ഒരു ടേബിൾ സ്പൂൺ അരിപ്പൊടിയും അൽപ്പം ഗ്രീൻ ടീയും ചേർത്ത് യോജിപ്പിക്കുക. അതിന് ശേഷം ഈ പേസ്റ്റ് മുഖത്തിട്ട ശേഷം ഇത് കഴുകി വൃത്തിയാക്കാം

(ശ്രദ്ധിക്കുക: അലർജിയും മറ്റ് ചർമ്മ പ്രശ്നങ്ങളുമുള്ളവർ പാക് ടെസ്റ്റ് നടത്തിയതിന് ശേഷമോ, ഡോക്ടറുടെ ഉപദേശം തേടിയ ശേഷമോ മാത്രം ഇവ ഉപയോഗിക്കുക)