ഖത്തറിൽ ലുസെയ്ൽ സ്കൈ ഫെസ്റ്റിവൽ ഏപ്രിൽ 3 മുതൽ

ഖത്തറിന്റെ ആകാശത്ത് വിസ്മയം തീർത്ത് ലുസെയ്ൽ സ്കൈ ഫെസ്റ്റിവലിന് ഏപ്രിൽ 3ന് തുടക്കമാകും. ഖത്തറി ദിയാറുമായി സഹകരിച്ച് വിസിറ്റ് ഖത്തർ സംഘടിപ്പിക്കുന്ന സ്കൈ ഫെസ്റ്റിവൽ ഗൾഫ് മേഖലയിലെ ഇത്തരത്തിലുള്ള ഏറ്റവും വലിയ പരിപാടിയാണെന്ന് സംഘാടകരായ ഖത്തർ ടൂറിസം വിശദമാക്കി.

ലുസെയ്​ലിലെ അൽ സദ്ദ് പ്ലാസയിൽ നടക്കുന്ന ഫെസ്റ്റിവൽ ഇത്തവണത്തെ ചെറിയ പെരുന്നാൾ ആഘോഷങ്ങൾക്ക് ഫെസ്റ്റിവൽ മാറ്റ് കൂട്ടും. രാജ്യാന്തര എയറോബാറ്റിക്സ്, സ്കൈ ഡൈവിംഗ്, സ്കൈറൈറ്റിങ് പ്രകടനങ്ങൾ, ഹൈ-സ്പീഡ് ജെറ്റ് ഡിസ്പ്ലേകൾ എന്നിവയുൾപ്പെടെയുളള ആകാശ പ്രകടനങ്ങൾ ലുസെയ്ൽ സ്കൈ ഫെസ്റ്റിവലിൽ ഉണ്ടാകും . ലേസർ ഡിസ്പ്ലേകൾ, ആകാശ പൈറോടെക്നിക്കുകൾ എന്നിവ ഉപയോഗിച്ച് സൃഷ്ടിക്കുന്ന വിമാനങ്ങളുടെ രൂപങ്ങൾ, ഡ്രോൺ ഷോകളും പ്രേക്ഷകർക്ക് കാണാം.