കേരള സമൂഹത്തെ നവീകരിക്കുന്നതിൽ മലയാള സിനിമയും ജെ.സി. ഡാനിയേലും പങ്കുവഹിച്ചിട്ടുണ്ട്; മന്ത്രി സജി ചെറിയാൻ

കേരള സമൂഹത്തെ നവീകരിക്കുന്നതിൽ മലയാള സിനിമയും ജെ.സി. ഡാനിയേലും പങ്കുവഹിച്ചിട്ടുണ്ടെന്ന് മന്ത്രി സജി ചെറിയാൻ. ലോകത്ത് മലയാള സിനിമ ശ്രദ്ധിക്കപ്പെടുന്ന ഇക്കാലത്ത് മലയാള സിനിമയുടെ പിതാവായ ജെ.സി. ഡാനിയേലിന് ആദരവ് നൽകേണ്ടതാണ്. ജെ.സി. ഡാനിയേലിന്റെ വെങ്കല പ്രതിമയുടെ നിർമ്മാണോദ്ഘാടനം ശ്രീ തിയേറ്ററിൽ നിർവഹിച്ചു സംസാരിക്കുകയായിരുന്നു മന്ത്രി.

ചിത്രാഞ്ജലി സ്റ്റുഡിയോയിൽ ജെ.സി. ഡാനിയേലിന്റെ പൂർണ്ണകായ പ്രതിമ സ്ഥാപിക്കുന്നത് മലയാള സിനിമയുടെ ചരിത്ര മുഹൂർത്തമാണെന്നും മന്ത്രി പറഞ്ഞു.ജെ.സി. ഡാനിയേലിന്റെ മകൻ ഹാരിസ് ഡാനിയേൽ, ശില്പി കുന്നുവിള എം. മുരളി എന്നിവരെ മന്ത്രി ആദരിച്ചു.