സൗദിയിൽ വിവിധയിടങ്ങളിൽ മഴ

സൗദിയിൽ വെള്ളിയാഴ്ച മഴയ്ക്ക് സാക്ഷ്യം വഹിച്ച 10 പ്രദേശങ്ങളിൽ മക്ക മേഖലയിലെ തായിഫ് ഗവർണറേറ്റിലെ സരാറാണ് ഏറ്റവും കൂടുതൽ മഴ രേഖപ്പെടുത്തിയത്. 64 മില്ലിമീറ്റർ മഴയാണ് ഇവിടെ ലഭിച്ചത്. റിയാദ്, മക്ക, ഖസിം, കിഴക്കൻ പ്രവിശ്യ, അസിർ, ഹായിൽ, ജിസാൻ, അൽ ജൗറഫ് എന്നീ പ്രദേശങ്ങളിൽ കഴിഞ്ഞ 24 മണിക്കൂറിനുള്ളിൽ മഴ രേഖപ്പെടുത്തിയതായി പരിസ്ഥിതി, ജല, കൃഷി മന്ത്രാലയം അറിയിച്ചു.

റിപ്പോർട്ട് അനുസരിച്ച് മക്ക മേഖലയിൽ ഉയർന്ന മഴ ലഭിച്ച മറ്റ് പ്രദേശങ്ങളിൽ തായിഫിലെ അൽ ഹദ പാർക്ക് 42.8 എംഎം, അൽ-ജമൂമിലെ മദ്രാക്ക 40.4 എംഎം, തായിഫിലെ അൽ-ഷഫ 27.3 എംഎം, ജിദ്ദയിലെ കിങ് അബ്ദുൽ അസീസ് എയർപോർട്ട് 24, ജിദ്ദയിലെ അൽ സുദൈറഹ്, സഅദ്ഹമിലെ അൽ സുദൈറ, സഅ്മദ്-23 എംഎം. മെയ്സാൻ 20.4 മി.മീ. എന്നിങ്ങനെയാണ്.