കന്നാസില്‍ സൂക്ഷിച്ച എട്ട് ലിറ്റര്‍ ചാരായവുമായി 49 കാരൻ പിടിയിൽ

കോഴിക്കോട്: വീട്ടിൽ സൂക്ഷിച്ച എട്ട് ലിറ്റര്‍ നടൻ ചാരായവുമായി ഗൃഹനാഥന്‍ പിടിയില്‍. കോഴിക്കോട് പെരുവണ്ണാമൂഴിയില്‍ ആയിരുന്നു സംഭവം.
മുതുകാട് കിളച്ച പറമ്പില്‍ ഉണ്ണിക്കൃഷ്ണനെ(49) യാണ് പെരുവണ്ണാമൂഴി പൊലീസ് അറസ്റ്റ് ചെയ്തത്. രഹസ്യ വിവരം ലഭിച്ചതിന്റെ അടിസ്ഥാനത്തിൽ ഇയാളുടെ വീട്ടിലെത്തിയ പോലീസ് നടത്തിയ പരിശോധനയിലാണ് ചാരായം പിടികൂടിയത്. കന്നാസിൽ സൂക്ഷിച്ച നിലയിലാണ് ചാരായം കണ്ടെത്തിയത്.

ഇയാളുടെ വീട്ടിൽ നിന്നും മദ്യക്കുപ്പികളും ഒഴിഞ്ഞ കന്നാസുകളും ലഭിച്ചിട്ടുണ്ട്. വീട്ടില്‍ തന്നെ ചാരായം ഉണ്ടാക്കി വില്‍പന നടത്തുന്നതാണ് ഇയാളുടെ രീതിയെന്ന് പോലീസ് പറഞ്ഞു. എസ്‌ഐ ജിതിന്‍ വാസുവിന്റെ നേതൃത്വത്തില്‍ നടത്തിയ പരിശോധനയിൽ എഎസ്‌ഐ പ്രകാശ് ചാക്കോ, സീനിയര്‍ സിവില്‍ പൊലീസ് ഓഫീസര്‍ കെസി ഷിജിത്ത്, സിവില്‍ പൊലീസ് ഓഫീസര്‍മാരായ കെകെ ഷിജിത്ത്, ലിസ്‌ന, റാഷിദ് എന്നിവരും ഭാഗമായിരുന്നു.