നീരജ് മാധവിന്റെ ‘ഓൾഡ് സ്കൂൾ ലേഡി’ സോങ് പുറത്തിറങ്ങി

മലയാള സിനിമയിലെ ജനപ്രിയ നടനും റാപ്പർ കൂടിയുമായ നീരജ് മാധവ് തന്റെ പുതിയ റാപ്പ് സോങ് ‘ഓള്‍ഡ് സ്കൂള്‍ ലേഡി’ റിലീസ് ചെയ്തു. നീരജിന്റെ മുൻ ഹിറ്റ് ഗാനമായ “ബല്ലാത്ത ജാതി” ക്കു ശേഷം, ഈ പുതിയ ഗാനം ആരാധകർ ഏറെ ആകാംക്ഷയോടെയാണ് കാത്തിരുന്നത്. നീരജ് മാധവിന്റെ ഔദ്യോഗിക യുട്യൂബ് ചാനലിലൂടെയാണ് ഗാനം റിലീസ് ചെയ്തത്.

ഓള്‍ഡ് സ്കൂള്‍ ലേഡി ഗാനം മലയാളികളുടെ പഴയ ഓർമ്മകളെ പുതുക്കുന്നതായി മാറുകയാണ്. 1978-ലെ എവർഗ്രീൻ മലയാളം സിനിമാഗാനമായ ‘മാടപ്രാവേ വാ’ എന്ന ഗാനം ഉപയോഗിച്ചാണ് ഗാനം ആരംഭിക്കുന്നത്. കമൽ ഹാസനും, സെരീനാ വഹാബും അഭിനയിച്ച ‘മദ നോത്സവം’ എന്ന ചിത്രത്തിലെ ഈ പാട്ട് മലയാള സിനിമാ സംഗീത ചരിത്രത്തിൽ അപൂർവമായ ഒരു മധുരഗാനമായിരുന്നു.