ഐപിഎല്ലിൽ ആ താരം രാജസ്ഥാന്‍ റോയല്‍സിന്റെ ഇലവനില്‍ ഉണ്ടാകുമെന്ന് ഉറപ്പില്ല; വിക്രം റാത്തോര്‍

ഐപിഎല്ലിൽ ഏറ്റവും പ്രായം കുറഞ്ഞ കളിക്കാരനെന്ന റെക്കോര്‍ഡ് നേട്ടം സ്വന്തമാക്കാന്‍ പോകുന്ന താരമാണ് രാജസ്ഥാന്റെ വൈഭവ് സൂര്യവംശി. ബിഹാര്‍ സ്വദേശിയായ 13 വയസുകാരന് വേണ്ടി 1.10 കോടി രൂപയാണ് രാജസ്ഥാന്‍ താരലേലത്തില്‍ മുടക്കിയത്.

ഐപിഎല്‍ മത്സരങ്ങള്‍ ആരംഭിക്കാന്‍ ദിവസങ്ങള്‍ മാത്രം ബാക്കി നില്‍ക്കെ വൈഭവ് സൂര്യവംശിയെ കുറിച്ച് സംസാരിക്കുകയാണ് രാജസ്ഥാന്‍ ബാറ്റിങ് പരിശീലകനായ വിക്രം റാത്തോര്‍. വൈഭവ് സൂര്യവംശി റോയല്‍സ് ഇലവന്റെ ഭാഗമാകാനുള്ള സാധ്യത കുറവാണെന്ന് പറയുകയാണ് റാത്തോര്‍. ടീമിന് ആവശ്യമുള്ള ഘട്ടങ്ങളില്‍ മാത്രമേ താരം കളിക്കുകയൊള്ളു എന്ന് റാത്തോര്‍ കൂട്ടിച്ചേര്‍ത്തു.