ആപ്പിളിന്റെ ഐഫോൺ 17 എയർ ഉടൻ വിപണിയിലേക്ക്

ആപ്പിളിന്റെ ഐഫോൺ 17 എയർ ഉടൻ വിപണിയിലേക്ക്.2025 സെപ്റ്റംബറിൽ ആപ്പിൾ ഐഫോൺ 17 സീരീസ് പ്രഖ്യാപിക്കുമെന്നാണ് പ്രതീക്ഷ. അതുവരെ സൂചനകളും അഭ്യൂഹങ്ങളുമായി ഒരുപാട് ആളുകൾ എത്താൻ സാധ്യതയുണ്ട്. ആപ്പിളിന്റെ ഭാഗത്ത് നിന്നും ഐഫോൺ 17 സീരീസിനെ കുറിച്ച് ഇതുവരെ ഔദ്യോഗിക റിപ്പോർട്ടുകളൊന്നും പുറത്തുവന്നിട്ടില്ല.

6 എംഎം ആയിരിക്കും ഐഫോൺ 17 എയർ/സ്ലിമ്മിന്റെ കട്ടി എന്നായിരുന്നു മുൻ റിപ്പോർട്ടുകൾ. ഏറ്റവും പുതിയ റൂമറുകൾ പറയുന്നതാവട്ടെ ഫോണിന്റെ കനം 5.5 മില്ലീമീറ്റർ മാത്രമായിരിക്കും എന്നാണ്. കട്ടി കുറക്കുന്നതിന്റെ ഭാഗമായി സിം ട്രെ ഒഴിവാക്കി ചെറിയ ബാറ്ററിയാണ് ഐഫോൺ 17 എയറിൽ ഉൾപ്പെടുത്തുക.രാജ്യത്ത് ഐഫോൺ 17 എയറിന് ഏകദേശം 89,900 രൂപ വില വന്നേക്കും. ഫോണിലെ ക്യാമറ കുറച്ച് സിമ്പിളായിരിക്കുമെന്നാണ് ലഭിക്കുന്ന വിവരം. ഇത് ഐഫോൺ 17 എയറിന്റെ ചെലവ് കുറയ്ക്കുന്നതിന്റെ ഭാഗമായാണ്. 48 മെഗാപിക്സൽ പ്രൈമറി സെൻസറും 24 മെഗാപിക്സൽ ഫ്രണ്ട് ഫേസിംഗ് ക്യാമറയും ഇതിലുണ്ടായിരിക്കും.A18ന് സമാനമായ നൂതനമായ 3nm പ്രോസസ്സ് ഉപയോഗിച്ചേക്കും. ആപ്പിളിന്റെ പുതിയ A19 ചിപ്പാണ് ഐഫോൺ 17 എയറിൽ നൽകാൻ സാധ്യത. 6.6 ഇഞ്ച് വലിപ്പമായിരിക്കും ഫോണിനുണ്ടാകുക.