കെപിസിസി പരിപാടിയിൽ പങ്കെടുത്തതിന് ജി സുധാകരനെ വിമർശിക്കേണ്ടതില്ല എ.എം ആരിഫ്

തിരുവനന്തപുരം : കെപിസിസിയുടെ സെമിനാറിൽ പങ്കെടുത്ത ജി സുധാകരനെ പിന്തുണച്ച് ആലപ്പുഴയിലെ സിപിഐഎം നേതാക്കൾ. സൈബർ ആക്രമണങ്ങൾ നടത്തുന്നവർ പാർട്ടിക്കാർ അല്ലെന്നും ചെങ്കൊടി എടുത്തവരെല്ലാം കമ്മ്യൂണിസ്റ്റ് അല്ലെന്നും സിപിഐഎം നേതാവ് എഎം ആരിഫ് പ്രതികരിച്ചു.

കെപിസിസി നടത്തിയ സെമിനാറിൽ പങ്കെടുത്തതിന് പിന്നാലെയാണ് പോരാളി ഷാജി അടക്കമുള്ള ഇടത് സൈബർ ഗ്രൂപ്പുകളിൽ ജി സുധാകരനെതിരായ രൂക്ഷ വിമർശനങ്ങൾ വന്നത്.