ഡി.വൈ.എഫ്.ഐ നേതാവിനെ ആക്രമിച്ച നാലുപേർ അറസ്റ്റിൽ

മലയിൻകീഴ്: ഡി.വൈ.എഫ്.ഐ മേഖലാ സെക്രട്ടറിയും സി.പി.എം പേയാട് ലോക്കൽ കമ്മിറ്റിയംഗവുമായ എം.വി.അജിത്തിനെ (34) ആക്രമിച്ച കേസിൽ നാലുപേരെ പൊലീസ് അറസ്റ്റ് ചെയ്തു.

വട്ടിയൂർക്കാവ് സ്വദേശികളായ എ.വിപിൻ(26),എസ്.അഭിമന്യു(23), ബി.അജു(43), ഹേമന്ദ്(18) എന്നിവരാണ് അറസ്റ്റിലായത്.പിറയിൽ വാടക വീടെടുത്ത് താമസിച്ചിരുന്ന അജു അവിടെ കൂട്ടുകാർക്കൊപ്പം മദ്യപിച്ച് ബഹളം വയക്കുന്നത് അജിത് എതിർത്തിരുന്നു.

തുടർന്ന് വാടക വീട്ടിൽ നിന്ന് ഇവരെ ഒഴിപ്പിച്ചതിലുള്ള വിരോധമാണ് അക്രമത്തിനു കാരണം. അറസ്റ്റിലായവരെ കോടതിയിൽ ഹാജരാക്കി റിമാൻഡ് ചെയ്തു.