ഓട്ടോറിക്ഷ നിയന്ത്രണം വിട്ട് മറിഞ്ഞു; കോട്ടക്കലിൽ 20 വയസ്സുകാരിക്ക് ദാരുണാന്ത്യം

മലപ്പുറം: കോട്ടക്കലിൽ നിയന്ത്രണം വിട്ട ഓട്ടോറിക്ഷ മറിഞ്ഞ് യുവതിക്ക് ദാരുണാന്ത്യം. കോട്ടക്കൽ കുറ്റിപ്പുറം കാരിയാടൻ ഹാരിസിന്‍റെ മകൾ 20 കാരിയായ ഫാത്തിമ ഹിബയാണ് മരിച്ചത്. ഓട്ടോ ഡ്രൈവർക്കും മൂന്ന് യാത്രക്കാർക്കും പരിക്ക്. വെള്ളിയാഴ്ച വൈകിട്ട് നാലുമണിയോടെയായിരുന്നു അപകടം. ചിനക്കൽ ഫാറൂഖ് നഗറിലെത്തിയ ഓട്ടോ നിയന്ത്രണം വിട്ട് മറിയുകയായിരുന്നു. പരിക്കേറ്റവരെ ചങ്കുവെട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു.