പന്തിന്റെ സഹോദരിയുടെ വിവാഹ ചടങ്ങില്‍ നൃത്തം വെച്ച് ധോണിയും റെയ്‌നയും

ഡെറാഡൂണ്‍: ഋഷഭ് പന്തിന്റെ സഹോദരിയുടെ വിവാഹ ചടങ്ങില്‍ നൃത്തം വെച്ച് മുന്‍ താരങ്ങളായ എം.എസ് ധോണിയും സുരേഷ് റെയ്‌നയും. മുസ്സൂറിയിലായിരുന്നു വിവാഹ ചടങ്ങുകള്‍ നടന്നത്. ധോണിയുടെ ഡാന്‍സ് വീഡിയോ ഇതിനോടകം തന്നെ സമൂഹ മാധ്യമങ്ങൾ ഏറ്റെടുത്തുകഴിഞ്ഞു. സൂഫി ഖവാലിയായ ‘ദമാ ദം മസ്ത് ഖലന്ദര്‍’ എന്ന ഗാനത്തിനാണ് ധോണിയും റെയ്‌നയും പന്തുമെല്ലാം ചുവടുവെച്ചത്.

പന്തിന്റെ സഹോദരിയുടെ വിവാഹ ചടങ്ങില്‍ പങ്കെടുക്കാന്‍ ധോണിയും കുടുംബവും മാര്‍ച്ച് 11-ന് ഡെറാഡൂണിലേക്ക് തിരിച്ചിരുന്നു. ചാമ്പ്യന്‍സ് ട്രോഫി ടീമിന്റെ ഭാഗമായിരുന്ന പന്ത് തിങ്കളാഴ്ച രാവിലെയാണ് ആഘോഷങ്ങളില്‍ പങ്കെടുക്കാനെത്തിയത്. വരും ദിവസങ്ങളില്‍ വിരാട് കോഹ്‌ലിയും രോഹിത് ശര്‍മയും വിവാഹ ചടങ്ങില്‍ പങ്കെടുക്കുമെന്നാണ് റിപ്പോര്‍ട്ടുകള്‍.