കുവൈത്തിൽ കനത്ത മഴ; വെള്ളക്കെട്ട് നിവാരണ നടപടികൾ ഊർജ്ജിതം

കുവൈത്തിൽ കനത്ത മഴയെ തുടർന്ന് റോഡ് ശുചീകരണ പ്രവൃത്തികൾ സജീവമായി. കുവൈത്തിൽ വ്യത്യസ്ത അളവിലാണ് മഴ ലഭിച്ചതെന്നും കാലാവസ്ഥ വകുപ്പ് ഡയറക്ടർ ധരാർ അൽ അലി അറിയിച്ചു. കനത്തെ മഴയെ തുടർന്ന് ഇപ്പോഴും വെള്ളക്കെട്ടുകൾ രൂപം കൊണ്ടിരിക്കുകയാണ്. ഇത് നീക്കം ചെയ്യാനുള്ള നടപടികൾ സ്വീകരിച്ചതായി പൊതുമരാമത്ത് മന്ത്രാലയം അറിയിച്ചു.

അതേസമയം ജഹ്റ, അൽ ഒയൂൺ, അൽ അഹമദി, അൽ ഫഹാഹീൽ, ഷുവൈഖ്, ഹവല്ലി, സാൽമിയ എന്നിവിടങ്ങളിലും കനത്ത മഴയാണ് പെയ്തത്. ഇവിടങ്ങളിലെല്ലാം വെള്ളക്കെട്ടുകൾ രൂപം കൊള്ളുകയും ചെയ്തിരുന്നു. ഇതേതുടർന്ന് പലയിടങ്ങളിലും ​ഗതാഗത കുരുക്കുണ്ടായി. എല്ലാ ​ഗവർണറേറ്റുകളിലും വെള്ളക്കെട്ടുകൾ ഒഴിവാക്കുന്നതിനായി റോഡ്, ‍ഡ്രെയിനേജ് ശുചീകരണ പ്രവൃത്തികൾ നടത്തുന്നുണ്ടെന്ന് അധികൃതർ അറിയിച്ചു.