ആരോഗ്യം ആനന്ദം അകറ്റാം അര്‍ബുദം ; സ്‌ക്രീനിങ് ക്യാമ്പ് സംഘടിപ്പിച്ചു

തൃശൂർ : ‘ആരോഗ്യം ആനന്ദം അകറ്റാം അര്‍ബുദം’ എന്ന മുദ്രാവാക്യവുമായി സംസ്ഥാന സര്‍ക്കാര്‍ നടത്തുന്ന ആരോഗ്യ പരിപാടിയുടെ പഞ്ചായത്ത്തല സ്‌ക്രീനിങ് ക്യാമ്പിന്റെ ഉദ്ഘാടനം പാഞ്ഞാള്‍ ഗ്രാമപഞ്ചായത്ത് വൈസ് പ്രസിഡന്റ് പി. കൃഷ്ണന്‍കുട്ടി ഉദ്ഘാടനം ചെയ്തു.

പഞ്ചായത്ത് കുടുംബാരോഗ്യ കേന്ദ്രത്തില്‍ നടന്ന ചടങ്ങില്‍ ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ രാംദാസ് കാറാത്ത് അധ്യക്ഷത വഹിച്ചു. മെഡിക്കല്‍ ഓഫിസര്‍ കെ. ദിവ്യ ആരോഗ്യ ബോധവത്കരണ ക്ലാസും വിഷയാവതരണവും നടത്തി.

പിഎച്ച്എന്‍ ഇന്‍ ചാര്‍ജ്ജ് ശോഭാ സുരേഷ് സ്വാഗതം പറഞ്ഞ ചടങ്ങില്‍ സിഡിഎസ് ചെയര്‍പേഴ്‌സണ്‍ അംബിക രാധാകൃഷ്ണന്‍ ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ഡോ. ഗോഡ്വിന്‍, ജീവനക്കാര്‍, ആരോഗ്യ പ്രവര്‍ത്തകര്‍ തുടങ്ങിയവര്‍ പങ്കെടുത്തു.