വനിതാ ദിനത്തില്‍ ‘ലേഡീസ് ഒണ്‍ലി’ കപ്പല്‍ യാത്ര

തിരുവനന്തപുരം : കെ.എസ്.ആര്‍.ടി.സി ബജറ്റ് ടൂറിസം സെല്‍ വനിതാ ദിനമായ മാര്‍ച്ച് എട്ടിന് സംഘടിപ്പിക്കുന്ന ലേഡീസ് ഒണ്‍ലി കപ്പല്‍ യാത്രയ്ക്ക് 600 രൂപയുടെ ഡിസ്‌കൗണ്ട് പ്രഖ്യാപിച്ച് ഇന്‍ലാന്‍ഡ് നാവിഗേഷന്‍ കോര്‍പ്പറേഷന്‍.

എ.സി ബസ് യാത്ര അടക്കം 3640 രൂപ നല്‍കി സ്ത്രീകള്‍ക്ക് യാത്രയില്‍ പങ്കാളികളാകാം. അഞ്ചിനും 10 വയസിനും ഇടയിലുള്ള കുട്ടികള്‍ക്ക് 1930 രൂപയാണ് നിരക്ക്. കൊല്ലം ബസ് സ്റ്റേഷനില്‍ നിന്നും രാവിലെ 10 മണിക്ക് എ.സി ലോ ഫ്‌ലോര്‍ ബസില്‍ മറൈന്‍ ഡ്രൈവ് എത്തി അവിടെ നിന്നും അഞ്ചു മണിക്കൂര്‍ കപ്പലില്‍ അറബിക്കടലില്‍ ചെലവഴിക്കുന്ന യാത്ര രാത്രി 12 ഓടെ കൊല്ലത്തു മടങ്ങിയെത്തും.