ദുബായിൽ അന്താരാഷ്ട്ര ആയുഷ് സമ്മേളനത്തിന് അടുത്തയാഴ്ച തുടക്കമാകും

രണ്ടാമത് അന്താരാഷ്ട്ര ആയുഷ് സമ്മേളനത്തിന് അടുത്തയാഴ്ച ദുബായ് വേൾഡ് ട്രേഡ് സെന്ററിൽ തുടക്കമാകും. സമ്മേളനത്തിനും പ്രദർശനത്തിനുമുള്ള ഒരുക്കങ്ങൾ പൂർത്തിയായതായി ദുബായ് ഇന്ത്യൻ കോൺസൽ ജനറൽ സതീഷ് കുമാർ ശിവൻ വാർത്താസമ്മേളനത്തിൽ അറിയിച്ചു. ജനുവരി 13 മുതൽ 15 വരെയാണ് സമ്മേളനം. ഇന്ത്യൻ വിദേശകാര്യ സഹമന്ത്രി വി. മുരളീധരൻ സമ്മേളനം ഉദ്ഘാടനം ചെയ്യും. ആയുഷ് സഹമന്ത്രി ഡോ. മുഞ്ജ്പാറ മഹേന്ദ്രഭായ് കലുഭായ്, യു.എ.ഇയിലെ ഇന്ത്യൻ അംബാസഡർ സഞ്ജയ് സുധീർ തുടങ്ങിയവർ പങ്കെടുക്കും.