സംഭവത്തിൽ സ്ത്രീയുടെ മുഖത്ത് ആഴത്തിലുള്ള മുറിവേറ്റിട്ടുണ്ട്. നാട്ടുകാരുടെ സഹായത്തോടെ ആനന്ദിനെ പിടികൂടി പൊലീസിന് കൈമാറി. ഇയാൾ ലഹരിക്കടിമയാണെന്ന് പോലീസ് പറഞ്ഞു. യുവതിയുടെ നില ഗുരുതരമല്ല.

ഇടുക്കി: തൊടുപുഴയിൽ വീട്ടിൽ കഞ്ചാവ് കൃഷി ചെയ്തിരുന്നയാൾ പിടിയിലായി. എക്‌സൈസ് സംഘമാണ് ഇയാളെ അറസ്റ്റ് ചെയ്തത്. നേർച്ചപ്പാറ സ്വദേശി വിനോദാണ് പിടിയിലായത്. ഇയാളുടെ വീട്ടുമുറ്റത്ത് വളർത്തിയിരുന്ന 80 കഞ്ചാവ് ചെടികളും കണ്ടെത്തിയിട്ടുണ്ട്. ഇതുകൂടാതെ ഇയാളുടെ വീട്ടിനുള്ളിൽ നിന്ന് 2.07 കിലോഗ്രാം ഉണക്ക കഞ്ചാവും, മൂന്ന് ഗ്രാം ചരസും, 155 ഗ്രാം കഞ്ചാവ് വിത്തുകളും എക്‌സൈസ് സംഘം കണ്ടെടുത്തു.

ഇടുക്കി സ്പെഷ്യൽ സ്‌ക്വാഡ് സർക്കിൾ ഇൻസ്‌പെക്ടർ ആർ.പി.മിഥിൻ ലാലിന്റെ നേതൃത്വതിലായിരുന്നു പരിശോധന നടന്നത്. എക്സൈസ് ഇൻസ്‌പെക്ടർ വിജയകുമാർ, അസിസ്റ്റന്റ് എക്സൈസ് ഇൻസ്‌പെക്ടർ നെബു, സൈബർ സെല്ലിലെ സിവിൽ എക്സൈസ് ഓഫീസർ അനൂപ്.പി.ജോസഫ്, സിവിൽ എക്സൈസ് ഓഫീസർ അനന്ദു, വനിത സിവിൽ എക്സൈസ് ഓഫീസർ സിന്ധു, സിവിൽ എക്സൈസ് ഓഫീസർ ഡ്രൈവർ ശശി.പി.കെ തുടങ്ങിയവരും പരിശോധനയുടെ ഭാഗമായിരുന്നു.