എലപ്പുള്ളി പഞ്ചായത്ത് ഭരണം മദ്യക്കമ്പനിക്ക് വേണ്ടി സിപിഎം അട്ടിമറിക്കുന്നു: വികെ ശ്രീകണ്ഠന്‍

പാലക്കാട്: ബ്രൂവറിക്ക് എലപ്പുള്ളി ഗ്രാമപഞ്ചായത്തിലെ കോണ്‍ഗ്രസ് ഭരണസമിതി സമ്മതമറിയിച്ചെന്നത് തെറ്റായ പ്രചരണമെന്ന് കോണ്‍ഗ്രസ് എംപി വി.കെ ശ്രീകണ്ഠന്‍. പഞ്ചായത്ത് ഭരണത്തെ മദ്യക്കമ്പനിക്ക് വേണ്ടി അട്ടിമറിക്കാനാണ് സിപിഎം ശ്രമിക്കുന്നതെന്ന് വി.കെ ശ്രീകണ്ഠന്‍ ആരോപിച്ചു.

നാളിതുവരെ പഞ്ചായത്തില്‍ പ്രശ്‌നമുണ്ടായിരുന്നില്ല. മദ്യക്കമ്പനി സിപിഎമ്മിന്റെ പഞ്ചായത്ത് അംഗങ്ങളെ സ്വാധീനിച്ചു. പഞ്ചായത്തില്‍ സിപിഎം അവിശ്വാസം കൊണ്ടുവരുന്നത് എന്തിനെന്ന് ശ്രീകണ്ഠന്‍ എംപി ചോദിച്ചു. 15 ഏക്കര്‍ സ്ഥലമാണ് ഒരു വ്യക്തിക്കോ കമ്പനിക്കോ കൈയ്യില്‍ വെയ്ക്കാവുന്നത്. പിന്നെ എങ്ങനെ 24 ഏക്കര്‍ സ്ഥലത്ത് ഒയാസിസ് കമ്പനി നികുതിയടച്ചു? സിപിഎം അവിശ്വാസം കൊണ്ടുവരുന്നത് കുതിരക്കച്ചവടം നടത്താനാണെന്നും ശ്രീകണ്ഠന്‍ എംപി ആരോപിച്ചു.