0 min read

ജോർജിയൻ ജയിലിൽ മസിയയുടെ നിരാഹാര സമരം

February 5, 2025

ടിബിലിസി: ജോർജിയൻ ജയിലിൽ കഴിയുന്ന മാധ്യമപ്രവർത്തക മസിയ അമഗ്ലോബെലിയുടെ ജീവൻ രക്ഷിക്കണമെന്നാവശ്യപ്പെട്ട് മനുഷ്യാവകാശ പ്രവർത്തകർ. മസിയയുടെ ആരോഗ്യനില മോശമായി വരികയാണെന്ന് അവരുടെ അഭിഭാഷക അറിയിച്ചു.

ജയിലിൽ നിരാഹാര സമരം തുടരുന്ന മസിയയ്ക്ക് നടക്കാൻപോലും കഴിയുന്നില്ലെന്നാണ് റിപ്പോർട്ട്.മസിയ മൂന്നാഴ്ചയായി ജയിലിൽ നിരാഹാര സമരത്തിലാണ്. ജോർജിയൻ തലസ്ഥാനമായ ടിബിലിസിക്കടുത്തുള്ള റുസ്തവി പട്ടണത്തിലെ ജയിലിലാണ് മസിയ. മസിയയുടെ ജീവൻ രക്ഷിക്കണമെന്നാവശ്യപ്പെട്ട് മനുഷ്യാവകാശ പ്രവർത്തകരും മസിയയുടെ കുടുംബവും രംഗത്തെത്തി.

തീരനഗരമായ ബാതുമിയിൽ സർക്കാർവിരുദ്ധ പ്രക്ഷോഭത്തിൽ പങ്കെടുത്തതിന് ജനുവരി 12നാണ് മസിയ അറസ്റ്റിലായത്.