മാലിന്യമുക്തം നവകേരളം പുരസ്കാരങ്ങള്‍ക്ക് അപേക്ഷ ക്ഷണിച്ചു

ആലപ്പുഴ : മാലിന്യമുക്തം നവകേരളം കാമ്പയിന്റെ ഭാഗമായി ശുചിത്വ-മാലിന്യ സംസ്‌കരണ മേഖലയില്‍ ജില്ലയിലെ മികച്ച സ്ഥാപനങ്ങളെ/ഓഫീസുകളെ (വിദ്യാഭ്യാസം, തദ്ദേശസ്വയംഭരണം, മറ്റു സര്‍ക്കാര്‍ ഓഫീസുകള്‍, വിനോദസഞ്ചാര കേന്ദ്രങ്ങള്‍, ആശുപത്രികള്‍) കണ്ടെത്തുന്നതിന് അപേക്ഷ ക്ഷണിച്ചു.

ജൈവ, അജൈവ മാലിന്യ സംസ്‌കരണം, ദ്രവമാലിന്യസംസ്‌കരണം, ഗ്രീന്‍ പ്രോട്ടോകോള്‍, പൊതുശുചിത്വം, ടോയ്‌ലറ്റ് സൗകര്യം എന്നീ മാനദണ്ഡങ്ങള്‍ പരിഗണിച്ചാണ് മികച്ച സ്ഥാപനങ്ങളെ തെരഞ്ഞെടുക്കുന്നത്.

അപേക്ഷകള്‍ ഫെബ്രുവരി 15 ന് വൈകിട്ട് അഞ്ചു മണിക്ക് മുമ്പ് ലഭിക്കണം. ശുചിത്വ മിഷന്‍ ജില്ലാ കാര്യാലയത്തില്‍ നേരിട്ടോ തപാല്‍ മുഖേനയോ മെയില്‍ മുഖേനയോ അപേക്ഷ നല്‍കാവുന്നതാണ്. അയക്കേണ്ട വിലാസം ജില്ലാ കോഓഡിനേറ്റര്‍, ശുചിത്വ മിഷന്‍ കളക്ട്രേറ്റ് ആലപ്പുഴ. മെയില്‍ ഐഡി: dsmalappuzha@gmail.com.