തദ്ദേശ വാര്‍ഡുകളിലെ ഉപതിരഞ്ഞെടുപ്പ് ഫെബ്രുവരി 24 ന്

ആലപ്പുഴ : ആലപ്പുഴയിലുൾപ്പടെ സംസ്ഥാനത്തെ 13 ജില്ലകളില്‍ ഒഴിവു വന്ന 30 തദ്ദേശ വാര്‍ഡുകളിലേക്കുള്ള / നിയോജകമണ്ഡലങ്ങളിലേക്കുള്ള ഉപതിരഞ്ഞെടുപ്പ് ഫെബ്രുവരി 24ന് നടത്തുന്നതിന് സംസ്ഥാന തിരഞ്ഞെടുപ്പ് കമ്മീഷന്‍ തീരുമാനിച്ചു. ജില്ലയിലെ കാവാലം ഗ്രാമപഞ്ചായത്തിലെ പാലോടം,

മുട്ടാർ ഗ്രാമപഞ്ചായത്തിലെ മിത്രക്കരി ഈസ്റ്റ് എന്നീ വാർഡുകളിലാണ് ഫെബ്രുവരി 24 ന് വോട്ടെടുപ്പ് നടക്കുക. ജനുവരി 29 മുതല്‍ ഉപതിരഞ്ഞെടുപ്പുമായി ബന്ധപ്പെട്ട മാതൃക പെരുമാറ്റച്ചട്ടം പ്രാബല്യത്തില്‍ വന്നു.

നാമനിര്‍ദേശ പത്രിക സമര്‍പ്പിക്കുന്നതിനുള്ള അവസാന തീയതിഫെബ്രുവരി ആറ് ആണ്. സ്ഥാനാര്‍ത്ഥിത്വം പിന്‍വലിക്കാനുള്ള അവസാന തീയതി ഫെബ്രുവരി 10 . വോട്ടെണ്ണല്‍ ഫെബ്രുവരി 25 ന് നടക്കും.