ആദിനാഥ്‌ ലഡ്ഡു മഹോത്സവത്തിനിടെ സ്റ്റേജ് തകർന്ന് അഞ്ച് മരണം

യു പി : ഉത്തർപ്രദേശിലെ ബാഗ്പത്തിൽ പരിപാടിക്കിടെ മേൽക്കൂര തകർന്ന് അഞ്ചുപേർ മരിച്ചു. അപകടത്തിൽ നാൽപ്പത്തിലധികം പേർക്ക് പരുക്കേറ്റു. ബാഗ്പട്ടിലെ ആദിനാഥന്റെ നിർവാണ ലഡ്ഡു ഉത്സവത്തിനിടെയാണ് ദുരന്തമുണ്ടായത്.

ശ്രീ ദിഗംബർ ജെയിൻ ഡിഗ്രി കോളേജിന്റെ ഗ്രൗണ്ടിൽ 65 അടി ഉയരമുള്ള സ്റ്റേജിന്റെ പടികൾ തകർന്നുവീണ് ഇതുവരെ 5 പേർ മരിക്കുകയും 40 ലധികം ഭക്തർക്ക് പരിക്കേൽക്കുകയും ചെയ്തു.
ശ്രീ ആദിനാഥ ഭക്താംബർ പ്രചാരിന്റെ ആഭിമുഖ്യത്തിൽ രാവിലെ 8 മണിയോടെ ആദിനാഥ അഭിഷേകം – മോക്ഷ കല്യാണക് നിർവാണ മഹോത്സവം എന്ന പേരിൽ പരിപാടി സംഘടിപ്പിച്ചിരുന്നു.

അതിൽ ധാരാളം ഭക്തർ തടിച്ചുകൂടി. മാൻ സ്തംഭ സമുച്ചയത്തിൽ നിർമ്മിച്ച താൽക്കാലിക സ്റ്റേജിന്റെ മരപ്പടികൾ തകർന്നു. തുടർന്ന് സ്റ്റേജും തകർന്നു.ആംബുലൻസ് ലഭ്യമല്ലാത്തതിനാൽ ഇ-റിക്ഷയിലാണ് പരിക്കേറ്റവരെ ആശുപത്രിയിലെത്തിച്ചത്. പലരുടെയും നില ഗുരുതരമാണ്.