മുകേഷ് അംബാനിയുടെ ജിയോ കോയിൻ എങ്ങനെ എളുപ്പത്തിൽ വാങ്ങാം?

മുകേഷ് അംബാനിയുടെ ജിയോ കോയിൻ ക്രിപ്‌റ്റോകറൻസി രംഗത്ത് തരംഗം സൃഷ്ടിച്ചിരിക്കുകയാണ്.ഇന്ത്യയിലെ ആദ്യത്തെ ക്രിപ്‌റ്റോ കറൻസി ആളുകൾ തിരയാനും സ്വന്തമാക്കാനും തുടങ്ങിക്കഴിഞ്ഞു. ചില ഉപയോക്താക്കൾ അവരുടെ ആപ്പിൽ ജിയോ കോയിൻ എന്ന ഓപ്ഷൻ കണ്ടുതുടങ്ങിയതായി പുറത്തുവരുന്ന റിപ്പോർട്ടുകൾ പറയുന്നു. ബ്ലോക്‌ചെയിൻ ടെക്‌നോളജി കമ്പനിയായ പോളിഗോൺ ലാബ്‌സുമായി ചേർന്ന് റിലയൻസ് പുറത്തിറക്കിയ ബ്ലോക്ക്ചെയിൻ അടിസ്ഥാനമാക്കിയുള്ള ഡിജിറ്റൽ നാണയമാണ് ജിയോ കോയിൻ.

ഇത് നേരിട്ട് വാങ്ങാൻ കഴിയില്ല. ബ്ലോക്ക്‌ചെയിനിലാണ് നിർമ്മിച്ചതെങ്കിലും, ജിയോ കോയിൻ ബിറ്റ്‌കോയിൻ പോലെയുള്ള ഒരു ക്രിപ്‌റ്റോകറൻസിയല്ല. ക്രിപ്‌റ്റോ എക്‌സ്‌ചേഞ്ചുകളിൽ നിന്ന് വാങ്ങാൻ കഴിയില്ല. ഉപയോക്താക്കൾ ചില ജോലികൾ ചെയ്യുമ്പോൾ സൗജന്യമായി ജിയോ ആപ്പുകളിൽ നിന്നും സേവനങ്ങളിൽ നിന്നും ഇത് നേടാൻ കഴിയും.

ജിയോ കോയിൻ എങ്ങനെ വാങ്ങാം?

ജിയോ കോയിൻ നേടാൻ, ജിയോസ്ഫിയർ ബ്രൗസർ ഉപയോഗിക്കേണ്ടതുണ്ട്. ആദ്യം തന്നെ നിങ്ങളുടെ സ്മാർട്ട് ഫോണിലോ കംപ്യൂട്ടറുകളിലോ ജിയോ ആപ്പ് അല്ലെങ്കിൽ ജിയോസ്ഫിയർ ഇൻസ്റ്റാൾ ചെയ്തിട്ടുണ്ടെന്ന് ഉറപ്പാക്കുക. ജിയോ കോയിൻ സാധാരണയായി ജിയോയുടെ ഇക്കോസിസ്റ്റത്തിൽ സംയോജിപ്പിച്ചിരിക്കുന്നു, പ്രത്യേകിച്ചും ജിയോസ്ഫിയർ ബ്രൗസറിലൂടെ ജിയോ നമ്പറിൻ്റെ സഹായത്തോടെ ഈ ആപ്പിലേക്ക് സൈൻ അപ്പ് ചെയ്യുക. ശേഷം പ്രൊഫൈൽ ഐക്കണിൽ ക്ലിക്ക് ചെയ്ത് Jio Coin Wallet ഓപ്ഷൻ തിരഞ്ഞെടുക്കുക. ലോഗിൻ ചെയ്ത ശേഷം, നിങ്ങൾക്ക് ടോക്കണുകൾ സമ്പാദിക്കാൻ തുടങ്ങാം.

നിങ്ങൾക്ക് എങ്ങനെ സമ്പാദിക്കാം

നിങ്ങളുടെ Android ഫോണിലോ iPhone, Windows PC, അല്ലെങ്കിൽ MacBook എന്നിവയിൽ JioSphere വെബ് ബ്രൗസർ ഉപയോഗിച്ച് JioCoins നേടാനാകും. നിങ്ങൾ കൂടുതൽ ബ്രൗസ് ചെയ്യുന്തോറും കൂടുതൽ JioCoins നേടാനുള്ള നിങ്ങളുടെ സാധ്യതകൾ വർദ്ധിക്കുന്നു. JioCoins കൃത്യമായി എങ്ങനെ ശേഖരിക്കാം എന്നതിനെക്കുറിച്ച് ഔദ്യോഗിക വിവരങ്ങളൊന്നും പുറത്തുവിട്ടിട്ടില്ലെങ്കിലും, 0.5 USD അല്ലെങ്കിൽ പ്രതിമാസം Rs. 43.30 നൽകിയാൽ ജിയോ കോയിൻ നേടാൻ ആകും. അതായത് വെറും 12 നാണയങ്ങൾ സമ്പാദിച്ചാൽ പോലും 500 രൂപയിൽ കൂടുതൽ ലഭിക്കും. മറ്റ് ജിയോ ആപ്പുകളുമായി സംയോജിപ്പിക്കുന്നതിനാൽ ഭാവിയിൽ JioCoin-ൻ്റെ മൂല്യം വർദ്ധിക്കുമെന്നാണ് പ്രതീക്ഷ.

ജിയോ കോയിനുകൾ എവിടെ സൂക്ഷിക്കും?

ജിയോ കോയിനുകൾ എവിടെ സൂക്ഷിക്കും എന്നത് സംബന്ധിച്ച് ഇതുവരെ ഔദ്യോഗിക പ്രസ്താവനകളൊന്നും ഉണ്ടായിട്ടില്ല. എങ്കിലും ജിയോ കോയിനുകൾ ആപ്പിനുള്ളിലെ ജിയോ വാലറ്റ് വിഭാഗത്തിൽ സൂക്ഷിക്കാനാകുമെന്ന് വിദഗ്ധർ അനുമാനിക്കുന്നു. വെബ്‌സൈറ്റുകൾ ബ്രൗസ് ചെയ്യുമ്പോഴും ഗെയിമുകൾ കളിക്കുമ്പോഴും മറ്റ് പ്രവർത്തനങ്ങളിൽ ഏർപ്പെടുമ്പോഴും ഈ നാണയങ്ങൾ ഇടയ്‌ക്കിടെ ക്രെഡിറ്റ് ചെയ്യപ്പെടുമെന്ന് പ്രതീക്ഷിക്കുന്നു.

ഈ നാണയങ്ങൾ നമുക്ക് എവിടെ ഉപയോഗിക്കാം?

വിവിധ റിപ്പോർട്ടുകൾ പ്രകാരം, ജിയോ കോയിനിൽ നിന്നുള്ള വരുമാനം റീചാർജ് ചെയ്യുന്നതിനും ഷോപ്പിംഗ് ഡിസ്കൗണ്ടുകൾക്കും മറ്റും ഉപയോഗിക്കാം. ജിയോ സ്ഫിയർ കൂടാതെ ജിയോ മാർട്ട്, ജിയോ സിനിമ, മൈ ജിയോ ആപ്പുകൾ എന്നിവ നാണയങ്ങൾ സമ്പാദിക്കാൻ സഹായിക്കും.

ജിയോ നാണയങ്ങൾ നിയമപരമാണോ?

ജിയോ കോയിനുകൾ ബ്ലോക്ക്‌ചെയിൻ സാങ്കേതികവിദ്യയിൽ നിർമ്മിച്ചതും റിലയൻസിൻ്റെയും പോളിഗോൺ ലാബുകളുടെയും ഉടമസ്ഥതയിലുമുള്ളതിനാൽ അവ പൂർണ്ണമായും നിയമപരമാണ്.