മഞ്ഞപ്ര മാർസ്ലീവ ഫൊറോന പള്ളി മകരം തിരുനാളിന് കൊടികയറി

മഞ്ഞപ്ര: മഞ്ഞപ്ര മാർസ്ലീവ ഫൊറോന പള്ളിയിൽ വിശുദ്ധ സെബസ്ത്യാനോസിൻ്റെ മകരം തിരുനാൾ ഇന്നും , നാളെയുമായി (25,26) ആഘോഷിക്കും. തിരുനാളിന് മഞ്ഞപ്ര ഫൊറോന വികാരി ഫാ. സെബാസ്റ്റ്യൻ ഊരക്കാടൻ കൊടിയേറ്റി.

വേസ്പര ദിനമായ ഇന്ന് (25) രാവിലെ 5.30 നും, ഏഴിനും വിശുദ്ധ കുർബാന തുടർന്ന് വീടുകളിലേക്ക് അമ്പ് എഴുന്നള്ളിപ്പ് വൈകീട്ട് നാലിന് അമ്പ് ചന്ദ്രപ്പുരയിൽ നിന്ന് പട്ടണപ്രദക്ഷിണം. തുടർന്ന് രൂപം എഴുന്നള്ളിക്കൽ, തുടർന്ന് ആഘോഷമായ തിരുനാൾ പാട്ടു കുർബാന , പ്രസംഗം, പ്രദക്ഷിണം, വാഴ്‌വ് .

തിരുനാൾ ദിനമായ 26 ന് രാവിലെ 5.30, ഏഴിന് 9ന് വിശുദ്ധ കുർബാന.
വൈകീട്ട് 5 ന് ആഘോഷമായ തിരുനാൾ പാട്ടുകുർബാന പ്രസംഗം, പ്രദക്ഷിണം, വാഴ്‌വ് , രൂപം എടുത്തു വയ്ക്കൽ.
ഫെബ്രുവരി രണ്ടാം തീയതി എട്ടാമിടം തിരുനാൾ.