സ്‌കൂട്ടറും പാസഞ്ചര്‍ ഓട്ടോയും; പുതിയ ഇലക്ട്രിക് വാഹനങ്ങൾ അവതരിപ്പിച്ച് ഗോദാവരി ഇലക്ട്രിക് മോട്ടോഴ്സ്

ഇലക്ട്രിക് വാഹന നിര്‍മാതാക്കളായ ഗോദാവരി ഇലക്ട്രിക് മോട്ടോഴ്സ് പ്രൈവറ്റ് ലിമിറ്റഡ് ഭാരത് മൊബിലിറ്റി ഗ്ലോബല്‍ എക്‌സ്‌പോയില്‍ പുതിയ വാഹനങ്ങള്‍ അവതരിപ്പിച്ചു. എബ്ലു ഫിയോ ഇസെഡ്, എബ്ലു ഫിയോ ഡിഎക്‌സ് എന്ന രണ്ട് ഇലക്ട്രിക് സ്‌കൂട്ടറുകളും എബ്ലു റോസി ഇക്കോ എന്ന പാസഞ്ചര്‍ ഓട്ടോയുമാണ് അവതരിപ്പിച്ചത്.

എബ്ലു ഫിയോ ഡി.എക്‌സ്

എബ്ലു ഫിയോ ഡിഎക്‌സ് ഒരു പ്രീമിയം ഇലക്ട്രിക് സ്‌കൂട്ടറാണ്. 28 ലിറ്റര്‍ ബൂട്ട് സ്‌പേസ് ഉള്ള സ്‌കൂട്ടറിന്റെ 4.2 കിലോവാട്ട് ബാറ്ററി 60വി 20 ആംപിയര്‍ ഹോം ചാര്‍ജര്‍ ഉപയോഗിച്ച് വെറും 3.5 മണിക്കൂറിനുള്ളില്‍ പൂര്‍ണ്ണമായും ചാര്‍ജ് ചെയ്യാന്‍ കഴിയും. മണിക്കൂറില്‍ 80 കിലോമീറ്റര്‍ വേഗതയും ഒറ്റചാര്‍ജില്‍ 150 കിലോമീറ്റര്‍ റേഞ്ചും നല്‍കുന്നു. മൂന്ന് ഡ്രൈവിംഗ് മോഡുകള്‍ (എക്കണോമി/നോര്‍മല്‍/പവര്‍), ബ്ലൂടൂത്ത് കണക്റ്റിവിറ്റിയുള്ള ഫുള്‍ ലോഡഡ് 7 ഇഞ്ച് ടിഎഫ്ടി സ്‌ക്രീന്‍ എന്നിവ ഇതില്‍ ഉള്‍പ്പെടുന്നു.

ഇതിന് ഡ്യുവല്‍ എല്‍ഇഡി ലൈറ്റിംഗും വേര്‍പെടുത്താവുന്ന എല്‍എംഎഫ്പി സിലിണ്ടര്‍ ബാറ്ററി സിസ്റ്റവുമുണ്ട്. ഇതിന്റെ ബാറ്ററി ഒരു ചാര്‍ജില്‍ 80 കിലോമീറ്റര്‍ റേഞ്ച് വാഗ്ദാനം ചെയ്യുന്നു. വാഹനത്തിന് 3 വര്‍ഷം അല്ലെങ്കില്‍ 30,000 കിലോമീറ്റര്‍ എന്ന സമഗ്ര വാറന്റി പാക്കേജും ബാറ്ററിക്ക് 5 വര്‍ഷം അല്ലെങ്കില്‍ 50,000 കിലോമീറ്റര്‍ എന്ന വാറന്റി പാക്കേജും നല്‍കുന്നു.

എബ്ലു റോസി ഇക്കോ

കരുത്തുറ്റതും പണത്തിന് മൂല്യമുള്ളതുമായ ഒരു മുച്ചക്ര വാഹനമായ എബ്ലു റോസി ഇക്കോയ്ക്ക് ഒറ്റ ചാര്‍ജില്‍ 120 കിലോമീറ്ററിലധികം ദൂരം സഞ്ചരിക്കാന്‍ കഴിയും. ശക്തമായ സ്റ്റീല്‍ സ്‌കെലിറ്റല്‍ ഫ്രെയിം, ഹൈഡ്രോളിക് ബ്രേക്കുകള്‍, ഡ്രൈവര്‍ക്കും മൂന്ന് യാത്രക്കാര്‍ക്കും സുഖപ്രദമായ ഇരിപ്പിടങ്ങള്‍ എന്നിവ ഇതിന്റെ സവിശേഷതകളാണ്. 58.4വി 40 ആംപ് ചാര്‍ജര്‍ ഉപയോഗിച്ച് വാഹനത്തിന്റെ 7.8 കെഡബ്ല്യുഎച്ച് പവര്‍-പാക്ക്ഡ് ബാറ്ററി വെറും 3.5 മണിക്കൂറിനുള്ളില്‍ പൂര്‍ണ്ണമായും ചാര്‍ജ് ചെയ്യാന്‍ കഴിയും. എബ്ലു റോസി ഇക്കോയുടെ വില 2,95,999 രൂപയാണ് (എക്‌സ്-ഷോറൂം).