14 കാരിയെ പീഡിപ്പിച്ചത് പലതവണ; 40 കാരൻ അറസ്റ്റിൽ

ഇടുക്കി: മുത്തച്ഛനെയും മുത്തശ്ശിയെയും കാണാൻ അവധിക്ക് വീട്ടിലെത്തുന്ന സമയത്ത് പല തവണ പീഡിപ്പിച്ചു. 40 കാരനെ പോലീസ് അറസ്റ്റ് ചെയ്തു. അച്ഛനും അമ്മയും ഉപേക്ഷിച്ച് ചൈൽഡ് ലൈനിൻറെ സംരക്ഷണയിൽ കഴിയുന്ന 14 കാരിയെയാണ് ഇയാൾ പല ദിവസങ്ങളിലായി പീഡിപ്പിച്ചത്. ഇടുക്കി പൈനാവ് സ്വദേശിയായ യുവാവാണ് പിടിയിലായത്. എറണാകുളത്തു നിന്നുമാണ് ഇയാളെ പോലീസ് അറസ്റ്റ് ചെയ്തത്. ചൈൽഡ് ലൈൻ നടത്തിയ കൗൺസിലിംഗിലാണ് പെൺകുട്ടി പീഡന വിവരം പുറത്തു പറഞ്ഞത്. പോക്സോയിലെ വിവിധ വകുപ്പുകൾ പ്രകാരമാണ് ഇടുക്കി പൊലീസ് പ്രതിക്കെതിരെ കേസെടുത്തിരിക്കുന്നത്.