കാറോട്ടമത്സരത്തിനായുള്ള പരിശീലനത്തിനിടെ നടൻ അജിത്തിന്റെ കാര്‍ അപകടത്തില്‍പ്പെട്ടു

ചെന്നൈ: കാറോട്ടമത്സരത്തിനായുള്ള പരിശീലനത്തിനിടെ തമിഴ് സൂപ്പര്‍ താരം അജിത്തിന്റെ കാര്‍ അപകടത്തില്‍പ്പെട്ടു. അജിത് അത്ഭുതകരമായി രക്ഷപ്പെട്ടു. കാർ റേസിംഗ് ട്രാക്കില്‍ വെച്ചായിരുന്നു അപകടം.

ട്രാക്കില്‍ വെച്ച് കാര്‍ നിയന്ത്രണം വിട്ട് സമീപത്ത് സ്ഥാപിച്ചിരുന്ന സംരംക്ഷണ ഭിത്തിയില്‍ ഇടിക്കുകയായിരുന്നു. അല്‍പ്പസമയം നിയന്ത്രണം വിട്ട് കാര്‍ കറങ്ങിയ ശേഷം ആയിരുന്നു നിന്നത്. വലിയ പരുക്കുകളൊന്നും ഇല്ലാതെ അജിത്ത് രക്ഷപ്പെട്ടു. ശേഷം പരിശീലനം തുടര്‍ന്നുവെന്നുമാണ് ലഭ്യമാകുന്ന വിവരം. 24H ദുബായ് 2025 എന്നറിയപ്പെടുന്ന ദുബായ് റേസിനായുള്ള നടന്‍ അജിത് കുമാറിന്റെ ആദ്യ പരിശീലന സെഷന്റെ ചിത്രങ്ങളും വീഡിയോ ക്ലിപ്പുകളും വൈറലായിരുന്നു.