ഹൃ​ദയാഘാത്തെത്തുടർന്ന് കെഎംസിസി നേതാവായ പ്രവാസി മലയാളി സൗദിയിൽ നിര്യാതനായി

റിയാദ്: ​ദീർഘകാലമായി സൗദിയിലെ അനക്കിൽ ജോലിചെയ്ത് വരുകയായിരുന്ന പ്രവാസി മലയാളി ഹൃദയാഘാതം മൂലം മരിച്ചു. കെഎംസിസി നേതാവായ 57കാരൻ അബ്ദുൽ ഷുക്കൂർ ആണ് മരിച്ചത്. ദമ്മാമിന് സമീപം ഖത്വീഫിലാണ് താമസിച്ചിരുന്നത്. ഖത്വീഫ് അനക്ക് ഏരിയ കെഎംസിസി ചെയർമാൻ മമ്പാട് ടാണയിൽ പനങ്ങാടൻ ബാപ്പുട്ടി-ആമിന ദമ്പതികളുടെ മകനാണ്.

ദീർഘകാലമായി അനക്കിൽ എയർകണ്ടീഷണിങ് മേഖലയിൽ പ്രവർത്തിച്ചു വരികയായിരുന്നു. ഭാര്യ: സാജിത. മക്കൾ: സുജു സിയാസ്, സിനു സിയാന, സിലി സിഫ്ല. മരുമക്കൾ: ഹംസ തൃപ്പനച്ചി, നിഷാദ് കുണ്ടുതൊട്, വാഹിദ കാട്ടുമുണ്ട. ഖത്വീഫ് സെൻട്രൽ ആശുപത്രിയിലുള്ള മൃതദേഹം നിയമനടപടികൾ പൂർത്തീകരിച്ച് നാട്ടിൽ കൊണ്ടുപോകുമെന്ന് ബന്ധുക്കളും കെ.എം.സി.സി നേതാക്കളും അറിയിച്ചു.