21 ലിറ്റർ ചാരായവുമായി ഒരാൾ പിടിയിൽ

ഹരിപ്പാട് : എക്സൈസ് സംഘം നടത്തിയ പരിശോധനയിൽ 21 ലിറ്റർ ചാരായവുമായി ഒരാൾ പിടിയിൽ.പത്തിയൂർ വടക്ക് കിഴക്കാലുംമൂട്ടിൽ വിനുവില നിന്നാണ് ചാരായം പിടികൂടിയത്. 32 കുപ്പികളിലായാണ് മദ്യം സൂക്ഷിച്ചിരുന്നത്.

പുതുവത്സരാഘോഷത്തിന് വിൽപ്പനയ്ക്കു സൂക്ഷിച്ചതാണിതെന്ന് എക്സൈസ് അധികൃതർ പറഞ്ഞു.അസി. എക്സൈസ് ഇൻസ്പെക്ടർമാരായ എസ്. മണിയൻ ആചാരി, കെ.ഐ. ആന്റണി, എം.ആർ. സുരേഷ്, പ്രിവന്റീവ് ഓഫീസർ കെ. ബിജുകുമാർ, സിവിൽ എക്സൈസ് ഓഫീസർമാരായ പി.യു. ഷിബു, ജോർജ്‌, ആർ. സുരേഷ്. അസി. എക്സൈസ് ഇൻസ്പെക്ടർ കെ.പി. ബിജു എന്നിവരും സംഘത്തിലുണ്ടായിരുന്നു.