ബിജെപി നേതൃത്വത്തിനെതിരെ എതിർപ്പ് പരസ്യമാക്കി നടി ഖുശ്ബു

ചെന്നൈ: ബിജെപിയുടെ പാർട്ടി പരിപാടികൾ തന്നെ അറിയിക്കുന്നില്ലെന്ന് നടി ഖുശ്ബു. ഇപ്പോൾ പാർട്ടി പരിപാടികൾ തന്നെ അറിയിക്കുകയോ ക്ഷണിക്കുകയോ ചെയ്യാറില്ല. പലപ്പോഴും അവസാന നിമിഷം ആകും അറിയിപ്പ് എത്തുക. എതിർപ്പിനിടയിലും ബിജെപിയിൽ തുടരുമെന്നും ഖുശ്ബു വ്യക്തമാക്കി. ഖുശ്ബു ഒരു മാധ്യമ പ്രവർത്തകന് ഫോണിലൂടെ നൽകിയ അഭിമുഖത്തിലാണ് പാർട്ടി നേതൃത്വത്തോടുള്ള എതിർപ്പ് സൂചിപ്പിച്ചത്.

ഖുശ്ബുവിന്റെ ഈ ഫോൺ സംഭാഷണം ഒരു ചാനൽ പുറത്തുവിട്ടിരുന്നു. പാർട്ടി പരിപാടിയിൽ തന്നെ കാണാത്തതിന്റെ കാരണം അണ്ണാമലൈയോട് ചോദിക്കണമെന്ന് ഖുശ്ബു അതിൽ പറയുന്നുണ്ട്. ഇതോടെ നടിക്ക് തമിഴ്നാട് ബിജെപി നേതൃത്വത്തോടുള്ള അകൽച്ച പരസ്യമായിരിക്കുകയാണ്.