1 min read

സോഷ്യൽ മീഡിയ നിരോധനം ഏർപ്പെടുത്തി ഓസ്ട്രേലിയ

November 30, 2024

സോഷ്യൽ മീഡിയ നിരോധനം ഏർപ്പെടുത്തി ഓസ്ട്രേലിയ

കാൻബറ: ഓസ്ട്രേലിയയിൽ സോഷ്യൽ മീഡിയ ഉപയോഗിക്കുന്നത് നിരോധിച്ചു.പതിനാറു വയസിനു താഴെയുള്ളവർ സോഷ്യൽ മീഡിയ ഉപയോഗിക്കുന്നതിന്നാണ് നിരോധനം ഏർപ്പെടുത്തി സർക്കാർ നിയമം പാസാക്കിയത്.

ലോകത്താദ്യമായിട്ടാണ് ഇത്തരമൊരു നിയമം. കുട്ടികൾ തങ്ങളുടെ സേവനം ഉപയോഗിക്കുന്നില്ല എന്നുറപ്പാക്കേണ്ടതു സോഷ്യൽ മീഡിയ കന്പനികളാണ്. നിയമം നടപ്പാക്കാൻ കന്പനികൾക്ക് ഒരു വർഷത്തെ സമയം നൽകി.

വൻ ഭൂരിപക്ഷത്തിലാണ് ഓസ്ട്രേലിയൻ പാർലമെന്‍റ് നിയമം പാസാക്കിയത്. കുട്ടികളെക്കുറിച്ച് ഉത്കണ്ഠയുള്ള രക്ഷിതാക്കൾക്കുവേണ്ടിയാണു നിയമമെന്നു പ്രധാനമന്ത്രി ആന്‍റണി ആൽബനീസ് പറഞ്ഞു.

നിയമം ലംഘിക്കുന്ന കമ്പനികൾക്ക് 50 കോടി ഓസ്ട്രേലിയൻ ഡോളർ പിഴ ലഭിക്കാം. നിയമം ലംഘിക്കുന്ന കുട്ടികൾക്കും അവരുടെ രക്ഷിതാക്കൾക്കും പിഴയില്ല. ഉപയോക്താക്കളുടെ പ്രായം സ്ഥിരീകരിക്കാൻ തിരിച്ചറിയൽ കാർഡ് പോലുള്ള രേഖകൾ ആവശ്യപ്പെടാനും കമ്പനികൾക്ക് അവകാശമുണ്ടാകില്ല.