ഫുട്ബോൾ മാന്ത്രികൻ മെസ്സിയെത്തി ക്യാരിക്കേച്ചർ രൂപത്തിൽ!!

കാർട്ടൂൺ ക്ലബ് ഓഫ് കേരള സംഘടിപ്പിച്ച  മെസ്സി ക്യാരിക്കേച്ചർ മത്സരത്തിൽ വിജയികളെ പ്രഖ്യാപിച്ചു. ഒന്ന്, രണ്ട്, മൂന്ന് സ്ഥാനങ്ങൾ മനു മോഹൻ, അയ്യൂബ് കാവുങ്ങൽ, സ്വാതി ജയകുമാർ എന്നിവർ കരസ്ഥമാക്കി. മനു ഒയാസിസ്, ജോഷി ജോസ് എന്നിവരുടെ ക്യാരിക്കേച്ചറുകൾ പ്രത്യേക പരാമർശവും നേടി.

ഗോവ കേന്ദ്രമാക്കി പ്രവർത്തിക്കുന്ന പ്രമുഖ കാരിക്കേച്ചറിസ്റ്റും ഇല്ലസ്ട്രേറ്ററുമായ രോഹിത് ചാരി  ആയിരുന്നു ജൂറി. അന്താരാഷ്ട്ര നിലവാരത്തിലുള്ള എൻട്രികളാണ് ലഭിച്ചതെന്നു അദ്ദേഹം  അഭിപ്രായപ്പെട്ടു.

കോവിഡ് ബാധിച്ച് അകാലത്തിൽ മരണപ്പെട്ട ഇബ്രാഹീം ബാദുഷയാണ്  ഇറുനൂറിലധികം അംഗങ്ങളുള്ള ഈ കാർട്ടൂണിസ്റ്റ് കൂട്ടായ്മ തുടങ്ങി വച്ചത്. ഇത്തരം പ്രോഗ്രാമുകൾ നടത്തുന്നതിലൂടെ അദ്ദേഹത്തിൻെ സ്മരണ നിലനിർത്തുക കൂടിയാണ് ചെയ്യുന്നത്.