ഓടയിൽ വീണ് സ്ത്രീയുടെ കാലൊടിഞ്ഞു

കൊടുമൺ : സ്ലാബ് തകർന്ന് ഓടയിൽവീണ സ്ത്രീയുടെ കാലൊടിഞ്ഞു. കെ.എസ്.എഫ്.ഇ. കളക്ഷൻ ഏജന്റ് അങ്ങാടിക്കൽ തെക്ക് അനുഗ്രഹയിൽ ഷീജ ശേഖറിന്റെ(50) കാലാണ് ഒടിഞ്ഞത്.

ബുധനാഴ്ച ഉച്ചയ്ക്ക് ഒന്നിന് കൊടുമൺ കെ.എസ്.എഫ്.ഇ. ഓഫീസിനുമുന്നിലായിരുന്നു അപകടം ഉണ്ടായത്. ഏഴംകുളം-കൈപ്പട്ടൂർ റോഡ് വികസനത്തിന്റെ ഭാഗമായി പണിത ഓടയുടെ മുകളിലിട്ടിരുന്ന സ്ലാബിൽ ചവിട്ടിയപ്പോൾ തകരുകയായിരുന്നു.

ഓടയിൽവീണ ഷീജയുടെ കാലിലേക്കാണ് സ്ലാബ് വന്നു വീണു. കാലിന് പരിക്കേറ്റ ഷീജയെ അടൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.