ആൾ താമസമില്ലാത്ത വീട് കുത്തിത്തുറന്ന് മോഷണം ; സി.സി.ടി.വി ദൃശ്യങ്ങൾ പുറത്ത്

കോട്ടയം: കല്ലറ ചന്തപ്പറമ്പിൽ ആൾ താമസമില്ലാത്ത വീടുകളിൽ മോഷണം. ആളില്ലാതെ വീടുകൾ ലക്ഷ്യം വെച്ചാണ് ഈ പ്രദേശത്ത് മോഷണം നടക്കുന്നത്.

കഴിഞ്ഞ ദിവസം രാത്രി നടന്ന മോഷണത്തിൻ്റെ സി.സി.ടി.വി ദൃശ്യങ്ങൾ പുറത്ത് വന്നിരുന്നു. കല്ലറ കഴിവേലിൽ സ്റ്റീഫൻ , കുടിലിൽ തങ്കമ്മ എന്നിവരുടെ വീടുകളിലാണ് കവർച്ച നടന്നത്. വീട്ടിനുള്ളിൽ കടന്ന രണ്ടംഗ മോഷ്ടാക്കൾ അലമാരകൾ കുത്തിപ്പൊളിച്ച് സാധന സാമഗ്രികൾ വാരിവലിച്ചിടുകയും ചെയ്തു.

ഉടമൾ സ്ഥലത്ത് ഇല്ലാത്തതിനാൽ എന്തൊക്കെയാണ് നഷ്ടപ്പെട്ടതെന്ന് വ്യക്തമല്ല . മറ്റൊരു വീട്ടിലും സമാനരീതിയിൽ മോഷ്ടാക്കൾ എത്തിയെങ്കിലും വീട്ടുകൾ ഉണർന്നതോടെ ശ്രമം ഉപേക്ഷിച്ച് മടങ്ങി. കേസുമായി ബന്ധപ്പെട്ട് കടുത്തുരുത്തി പൊലീസ് അന്വേഷണം ആരംഭിച്ചു.